Ի՞նչ հիվանդությունների դեմ պայքարում է դեղձն անփոխարինելի․ քչերը գիտեն

Մրգերի սննդային արժեքը դրանք դարձնում է առողջությունը պահպանելու իդեալական սննդային աղբյուր:

Մասնավորապես, մեկ միրգը կարող է պաշտպանել մի քանի հիվանդություններից՝ շնորհիվ իր բարձր հակաօքսիդանտային մակարդակի, որը, իր հերթին, կարող է նպաստել երկարակեցությանը, ըստ medikforum.ru կայքի։

Հետազոտողները բացահայտել են մի քանի բաղադրիչներ, որոնք նպաստում են երկարակեցությանը: Դեղձը առաջատար սննդամթերքներից է, որը հայտնի է իր հիվանդությունների դեմ պայքարի հատկություններով։

«Դեղձը այսպես կոչված կորիզավոր մրգերից ամենատարածվածներից է: Միրգն ունի բազմաթիվ օգուտներ սրտի, իմունային համակարգի և ալերգիա ունեցողների համար: Այս օգուտներից մի քանիսը կարող են կապված լինել մրգի մանրաթելային կազմի հետ: Դեղձը պարունակում է ինչպես լուծվող, այնպես էլ անլուծելի մանրաթել», – MedikForum-ին ասում է սննդաբան Վասիլիսա Պոնոմարևան։

Լուծվող մանրաթելը օգնում է կայունացնել արյան մեջ շաքարի մակարդակը և վերահսկել խոլեստերինը: Անլուծելի մանրաթելը նպաստում է մարսողությանը և օգնում է կանխել փորկապությունը։

«Այս միրգը հարուստ է C վիտամինով և այլ կարևոր հակաօքսիդանտներով, որոնք, հետազոտողների կարծիքով, կարող են օգնել կանխել սրտի հիվանդությունները, կաթվածը և քաղցկեղը: Բետա-կարոտին հակաօքսիդանտը, որը դեղձին տալիս է գեղեցիկ ոսկեգույն-նարնջագույն գույնը, ուտելիս վերածվում է A վիտամինի՝ օգնելով պահպանել տեսողությունը: Ընդհանուր առմամբ, որքան հասուն է միրգը, այնքան ավելի շատ հակաօքսիդանտներ կարող է պարունակել այն», – հավելում է բժիշկը։

Դեղձում պարունակվող երկու հակաօքսիդանտներ՝ կարոտինոիդները և կոֆեինաթթուն, հայտնի են իրենց հակաքաղցկեղային հատկություններով։

Պարզվել է, որ այս քիմիական նյութերը սահմանափակում են մաշկի բարորակ ուռուցքների աճը և կանխում դրանց չարորակի վերածվելը։

Տարբեր ուսումնասիրությունների համաձայն, մրգերի մեջ պարունակվող պոլիֆենոլները նաև սահմանափակում են քաղցկեղի բջիջների աճը։

Ավելին, որոշ ուսումնասիրություններ ցույց են տվել, որ դեղձում պարունակվող պոլիֆենոլները կարող են սպանել քաղցկեղի բջիջները՝ միաժամանակ թողնելով առողջ բջիջները անձեռնմխելի։