Գյումրիում գտնվող հայտնի «Վառեմ մարեմ»-ի շենքը մասամբ փլվել է. Լուսանկար

Քիչ առաջ Գյումրիում գտնվող հայտնի «Վառեմ մարեմ»-ի շենքը մասամբ փլվել է:

Մանրամասներ այս պահին չի հաղորդվում: Տեսանյութը հրապարակել է բլոգեր Ռաֆիկ Համբարձումյանը։

Ականատեսերից մեկը տեսանյութ է հրապարակել, որտեղ  նշում է, որ Փրկարար ծառայությունն արագ արձագանքել է:

Ներքին գործերի նախարարությունից հայտնեցին, որ ըստ նախնական տվյալների՝ վնասվել է շենքի պատշգամբի 1 արգելապատնեշ և շենքի ներսում մեկ կիսաքանդ միջնապատ։

ՆԳՆ Փրկարար ծառայողները սահմանազատել են տարածքը։

Նշենք՝ «Մեր մանկության տանգոն» ֆիլմը նկարահանվել է 1984 թվականին՝ «Հայֆիլմ» կինոստուդիայի կողմից: Ֆիլմի նկարահանելուց հետո այդ պատշգամբին գյումրեցիները այլ անուն ու հասցե են տվել՝՝ «Վառեմ-մարեմի բալկոնը»։ Տարիներ շարունակ այս շենքը դարձել էր Գյումրիի սիրված զբոսաշրջային վայրերից մեկը։