«Հոկտեմբերի 27»-ի քրեական գործի քննությունը ակտիվ նախաքննության փուլում է և իրականացվում է պատշաճ դատախազական հսկողության ներքո։
Այս մասին Ազգային ժողովում հայտարարեց ՀՀ գլխավոր դատախազ Աննա Վարդապետյանը՝ արձագանքելով «Քաղաքացիական պայմանագիր» խմբակցության պատգամավոր Անդրանիկ Քոչարյանի այն դիտարկմանը, թե «Հոկտեմբերի 27»-ի գործով ընթացքի մանրամասները դուրս են մնացել գլխավոր դատախազի հաղորդումից:
Աննա Վարդապետյանը պարզաբանեց՝ «Հոկտեմբերի 27»-ի գործի վերաբերյալ տեղեկատվություն հաղորդման մեջ չի ներառվել՝ հաշվի առնելով նախաքննության շահերը․ «Ես դիտավորյալ չեմ պատասխանի ոչ մի բովանդակային հարցի, որպեսզի չվնասեմ քննությանը»։
Նա նաև նկատեց՝ դատախազությունը կիսատ տեղեկատվություն չի հրապարակի, քանի որ կիսատ տեղեկատվության հրապարակումը թույլ է տալիս հասկանալ՝ ինչ հնարավոր զարգացում կարող է ունենալ գործը․ «Հրապարակված կիսատ տեղեկատվությունը թույլ է տալիս հասկանալ, թե ինչ հնարավոր զարգացում կարող է ունենալ գործը, և անձինք ուղղակի անհետանում են Հայաստանի Հանրապետությունից, ու մենք չենք կարողանում նրանց նկատմամբ հետապնդում իրականացնել: Դրա համար նմանատիպ քննարկումները վնասում են»։
Բաց մի թողեք
Նախկին բարձրաստիճան պաշտոնյայի կողմից պաշտոնեական լիազորությունները չարաշահելու հետևանքով ՀՀ պետբյուջեի միջոցներից անհարկի հատկացվել է 360 մլն ՀՀ դրամ
Ռուբեն Հայրապետյանին օժանդակող 7 անձ մեղադրյալի աթոռին է. 152 մլն դրամը հափշտակվել է. տեսանյութ
Արմեն Գևորգյանը մեղադրվում է շուրջ 5 մլրդ դրամի փողերի լվացման համար. քրվարույթով նախաքննությունն ավարտվել է