Ալիևը երբ ստում է՝ պաշտպանում է Ադրբեջանի շահերը, դուք երբ ստում եք՝ էլի իրենց շահերն եք պաշտպանում

Անգամ ամառային այս տապին, երբ հանրությանը քաղաքական հարցերը սկսում են ավելի քիչ հետաքրքրել և մարդիկ մեկնում են հանգստի, բլոգերի դեր ստանձնած վարչապետ Նիկոլ Փաշինյանը շարունակում է ակտիվորեն գրառումներ անել:

Այս անգամ նա գրել է. «#հատիկառհատիկ Հայաստանի Հանրապետության սեփականության իրավունքն է վերականգնվել Կոտայքի մարզի Նոր Հաճն համայնքում գտնվող՝ 0.69 հա մակերեսով, «հատուկ» նպատակային նշանակության հողամասի նկատմամբ: Շուկայականին մոտարկված կադաստրային արժեքը՝ 20 միլիոն դրամ»:

Հրապարակ թերթը գրել է․ Ֆեյսբուքյան օգտատերերը` ի պատասխան Նիկոլ Փաշինյանի գրառման բավականին հետաքրքրաշարժ մեկնաբանություններ են արել դրա ներքո, որոնցից մի քանիսը ներկայացնում ենք ստորև.

Ալլա Վարդանյան. «Տեսնենք մեր սիրելի վարչապետը երբ կվերականգնի Սև լճի, Ներքին Հանդի ու Ջերմուկի սեփականության իրավունքը»:

Արմեն Գևորգյան. «Հայաստանի հանրապետության սեփականության իրավունքը առհասարակ խախտվեց ձեր իշխանության գալուց հետո: Ադրբեջանին հանձնեցիր Արցախն ու հարակից տարածքները, Գորիս-Կապան ճանապարհից 21 կմ, Ջերմուկի հարակից տարածքները, Ներքին Հանդն ու Սև լճի մի մասը: Սրա մասին է պետք խոսել, եթե այս թեմայով ասելիք ունեք: Չի կարելի այդքան ցինիկ լինել և անընդհատ փորձել աչքակապությամբ զբաղվել»:

Նաիրա Եսայան. «Ինչի՞ վերջին ժամանակահատվածում պատվիրակությունների պետական այցերը Ծիծեռնակաբերդ հանվեցին։ Ինչի՞ հենց հիմա որոշեցինք վերանորոգել»:

Արայիկ Ղազարյան. «Արա, մեր հողերը քո ախպեր Ալիևից հետ բեր, թե կարող ես»:

Տիգրան Ար. «Սահմանապահը դա զինվորական կառույց է։ Եվ նա կանգնում է սահմանին մի նպատակով, որ զինված ներխուժում չլինի։ Մնացած գործառույթները կատարում են մաքսային և այլ ծառայությունները։ Հիմա,որ դուք հանում եք հայ սահմանապահին, զինված ուժերը Զանգեզուրի միջանցքից, ձեր բիոմետրիկ սարքերը կանխելու են ադրբեջանական զինված ներխուժումը՞՞՞՞՞։ Իհարկե` ոչ։ Այսինքն, ժողովուրդը պետք է հասկանա, որ այս մարդը, ով պատրաստ էր Աստվածաշնչի վրա երդվել, որ միջանցքի մասին համաձայնություն չի տվել, փաստացի հանձնում է Մեղին»:

Արսեն Բաբայան. «Պ. Փաշինյան այնպիսի խորամանկ պլան եք մշակել։ Որպեսզի ժողովուրդ հարցնի պ.Փաշինյան, բա խի Ջերմուկից դուրս չեն գալիս, պատասխանում եք, որ` բա գիտեք ինչ կա, կան ադրբեջանական տարածքներ, որ մեր տիրապետության տակն են, ինչու եք Ձեր ամեն մի խոսքով լեզու գցում Ալիևի բերանը, բա ինչու չեք նշում, որ տարածքներն են դրանք?Ինչ որ խոսում եք զգույշ խոսեք: Ալիևը, որ ստում է` պաշտպանում է իր երկրի շահերը, այսինքն ինքը լավ պետականամետ մարդ է։ Իսկ երբ որ Դուք եք խոսում, գիտենք, որ խաբում եք, ստում եք, բայց էլի Ադրբեջանի շահերն եք պաշտպանում, ոչ թե Հայաստանի։ Հույս եք տալիս ժողովուրդին` խաղաղությունը Ձեր դռներն է թակում։ Չգիտեմ դա ինչ խաղաղություն է»:

Գեղեցիկ Մուրադյան. «Հերիքա, 15-տարեկան, չտես լակոտի կարգավիճակից դուրս եկեք, սա երկրի ղեկավարի պահելաձև, աշխատելաոճ, ժողովրդի հետ շփվելու, երկիրը ղեկավարելու ձև չի, անհարմար է, ժողովրդին հիմարի տեղ մի դրեք…