Թուրքիայի նախագահ Ռեջեփ Թայիփ Էրդողանը դատական հայցեր է ներկայացրել ընդդիմադիր Ժողովրդահանրապետական կուսակցության առաջնորդ Օզգյուր Օզելի և Ստամբուլի քաղաքապետ Էքրեմ Իմամօղլուի դեմ՝ իր հասցեին արված վիրավորական արտահայտությունների համար:
Ինչպես հայտնել է A Haber հեռուստաալիքը, որպես բարոյական վնասի փոխհատուցում՝ Էրդողանը յուրաքանչյուրից պահանջել է 1 միլիոն թուրքական լիրա (29 հազար դոլար):
Դատական հայցերի պատճառ են դարձել հոկտեմբերի 31-ին Ստամբուլում Էրդողանի դեմ ցույցի ժամանակ ընդդիմության ներկայացուցիչների հայտարարությունները:
Հանրապետական կուսակցության առաջնորդը Էրդողանին անվանել է բռնապետ: Օզելի նման հայտարարությունը կապված է հոկտեմբերի 30-ի Էսենյուրթի «ԺՀԿ»-ական քաղաքապետ Ահմեդ Օզերի ձերբակալման հետ, ով ավելի ուշ կալանավորվել է։ Ստամբուլի քաղաքապետն էլ ասել է, որ իշխանությունները նման գործողություններով «մութ նպատակներ են հետապնդում»:
Բաց մի թողեք
Հռոմի պապ Լևոն XIV-ը խնդրում է, որ Հռոմը հյուրընկալ լինի օտարերկրացիների համար
Շվեյցարիայի լեռնադահուկային հանգստավայրում Նոր տարվա երեկույթի ժամանակ տեղի ունեցած հրդեհի հետևանքով տասնյակ մարդիկ են զոհվել
Իմ ստորագորությունը կլինի միայն ուժեղ համաձայնագրի տակ, որքան էլ Թրամփն անպատվի ինձ