ՀՀ Բարձր տեխնոլոգիական արդյունաբերության նախարար Մխիթար Հայրապետյանն այցելել է Հայաստանի Ազգային Պոլիտեխնիկական Համալսարան (ՀԱՊՀ), շրջայց կատարել համալսարանի լսարաններում, ծանոթացել ուսումնական գործընթացի կազմակերպմանը, շփվել ուսանողների հետ:
ԲՏԱ նախարարությունից հայտնում են, որ ՀԱՊՀ ռեկտոր Գոռ Վարդանյանի հետ քննարկվել է համագործակցության հեռանկարները, համատեղ ծրագրեր իրականացնելու հնարավորությունները:
Նախարարը մասնավորապես կարևորել է կրթություն- գիտություն-արտադրություն կապը, նաև հետազոտական բաղադրիչը՝ որպես այդ շղթայի մի մաս և նշել այդ ամենի համատեքստում Պոլիտեխնիկի հետ ինտենսիվ աշխատանքը։
Նախարար Մխիթար Հայրապետյանն ընդգծել է նաև, որ տեխնոլոգիական ԲՈՒՀ-ն՝ ի դեմս ԲՏԱ նախարարության, ունի ևս մեկ հուսալի գործընկեր, որի հետ սերտ աշխատանքի արդյունքում կարող են կարևոր բովանդակություն ստեղծել, ինչպես կրթական, այնպես էլ գիտահետազոտական լուրջ ծրագրեր և աշխատանքներ իրագործելու ուղղությամբ։
Բաց մի թողեք
Լույս է տեսել նոր երաժշտական ուսումնամեթոդական ձեռնարկ․ Լուսանկար
Պապիկյանի ընկերը դպրոցականներին հրավիրել է ԵՊՀ․ Լուսանկար
Սիրելի՛ ուսանողներ, ձեզ տրված ժամանակից վերցրե՛ք առավելագույնը, արժևորեք և գնահատեք պետությունը. ԿԳՄՍ նախարար