26/06/2024

Թումանյանի անվան զբոսայգում կկայանա «Երևանի բալետային փառատոն»-ը

Հունիսի 2-ից 5-ը Թումանյանի անվան զբոսայգում կկայանա «Երևանի բալետային փառատոն» նախագիծը:

Բացօթյա բալետային փառատոնի ընթացքում հանդես կգան Բորիս Էյֆմանի Սանկտ Պետերբուրգի ակադեմիական բալետի թատրոնը, Թբիլիսիի Զ. Պալիաշվիլու անվան օպերայի և բալետի թատրոնը և, իհարկե, Ա. Սպենդիարյանի անվան օպերայի և բալետի ազգային ակադեմիական թատրոնը:

Այս մասին հայտնում են Երևանի քաղաքապետարանի տեղեկատվության վարչությունից:

«Սիրով կսպասենք բոլորիդ՝ միասին վայելելու բալետային արվեստի ստեղծագործությունները:

Ներկայացումների սկիզբը՝ 20:00:

Մուտքն ազատ է»,- ասվում է հաղորդագրության մեջ: