Ֆրանսիան շարունակելու է պաշտպանության բնագավառում Հայաստանին աջակցությունը։
Այս մասին Երևանում՝ Հայաստանի արտգործնախարար Արարատ Միրզոյանի հետ համատեղ ասուլիսի ժամանակ հայտարարեց Ֆրանսիայի արտգործնախարար Ստեֆան Սեժուրնեն։
«Հայաստանը պետք է կարողանա պաշտպանել իր ամբողջականությունն՝ իր ատարածքը, իր բնակչությանը։ Բարեկամների միջև բնական է համագործակցությունը նաև այս բնագավառում, և մենք դա անում ենք՝ ևս մեկ անգամ սուվերենության հարգանքով և առանց որևէ էսկալացիայի կամքի», – ընդգծեց նա։
Վերջինս նկատեց նաև՝ Ֆրանսիան միշտ Հայաստանի կողքին է։ Ֆրանսիայում շատ քիչ թեմաներ կան, որոնց շուրջ բոլոր քաղաքական ուժերը համակարծիք են, և Հայաստանը դրանցից մեկն է․ «Չնայած սպառնալիքներին, չնայած ակնհայտ թշնամանքին, որը Ռուսաստանը դրսևորում է և ցանկանում է ճնշում գործադրել, Հայաստանը շարունակում է իր ուղին դեպի ժողովրդավարություն և ազատություն, փուլ առ փուլ առաջ է գնում», – ասաց Սեժուրնեն՝ շեշտելով, որ սա է պատճառը, որ Ֆրանսիան աջակցում է նաև Ուկրաինային։
«ՀՀ Արտաքին գործերի նախարարի հետ խոսել ենք տարածաշրջանային իրավիճակից, այս համատեքստում նշեմ՝ Ֆրանսիան աջակցում է հնարավորինս արագ ստորագրումը մի պայմանագրի, որ արդար և կայուն խաղաղություն կհաստատի տարածաշրջանում՝ հարգելով երկու երկրների սուվերենությունն ու տարածքային ամբողջականությունը»։
Այս մասին ՀՀ ԱԳ նախարար Արարատ Միրզոյանի հետ առանձնազրույցից հետո լրատվամիջոցների համար հայտարարությունների ժամանակ ասել է Ֆրանսիայի Եվրոպայի և արտաքին գործերի նախարար Ստեֆան Սեժուրնեն։
«Հարավային Կովկասը պետք է դառնա խաղաղության և համագործակցության մի շրջան, որը նաև Հայաստանին առևտրի, զարգացման և բարգավաճման հնարավորություն կտա։ Հայաստանը ցանկանում է խաղաղություն, ֆրանսիան և միջազգային հանրությունը ցանկանում են խաղաղություն։ Ադրբեջանը շուտով կհյուրընկալի COP29 և նրա պատասխանատվությունն է ցույց տալ, որ անկեղծորեն ցանկանում է հասնել խաղաղության նախքան COP29-ը»,- ասել է ֆրանսիացի նախարարը:
Սեժուրնեի խոսքով՝ Ֆրանսիան աջակցելու է Հայաստանին նաև եվրոպական հարթակներում, դիտորդական առաքելությունը պետք է շարունակվի։
Բաց մի թողեք
Նախկինում 96% ռազմատեխնիկական համագործակցություն կար ՌԴ հետ, այժմ 10-ից ցածր է, ինչը մեր հաջողությունն է. Գրիգորյան
Այո’, Հայաստանի 200 քկմ տարածքն օկուպացված է, բայց մենք այն հետ չենք բերելու ռազմական ճանապարհով. Փաշինյան
Տարածաշրջանում կայուն խաղաղության օրակարգի հանձնառության վառ օրինակ է ՀՀ կառավարության նախաձեռնած «Խաղաղության խաչմերուկ» ծրագիրը․ Լիլիթ Մակունց