Վորոնեժի մարզում ռազմական ուղղաթիռ է կործանվել

Ռուսաստանի Վորոնեժի մարզում ռազմական Մի-28 ուղղաթիռ է կործանվել և կոշտ վայրէջքից հետո բռնկվել։

Այս մասին Վորոնեժի «Moe» պորտալին հայտնել են Քննչական կոմիտեի ռազմական վարչությունից։

«Դեպքը տեղի է ունեցել ժամը 18:00-ի սահմաններում։ Վթարի պատճառներն անհայտ են»,- ասվում է հաղորդագրության մեջ։

Նշվում է, որ վթարը տեղի է ունեցել հունվարի 1-ին։

Կոշտ վայրէջքից հետո հրդեհ է բռնկվել, որն ամբողջությամբ անջատել է Մի-28-ը։

Պորտալի տվյալներով՝ դեպքից հետո Քննչական կոմիտեն հետաքննություն է սկսել:

Հնդկաստանի առափնյա պահպանության «Druv» ուղղաթիռը կործանվել է արևմտյան Գուջարաթ նահանգում ուսումնական առաքելության ժամանակ:

Այս մասին հայտնում է ANI լրատվական գործակալությունը։

Միջադեպը տեղի է ունեցել Պորբանդարի առափնյա պահպանության տարածքում։ Նախնական տեղեկություններով՝ վթարի պատճառը տեխնիկական խնդիրներն են։

ANI-ի տվյալներով՝ ինքնաթիռում եղել է երեք մարդ, այդ թվում՝ երկու օդաչու։ Բոլորը մահացել են։

Հնդկաստանի առափնյա պահպանությունը հետաքննում է միջադեպի հանգամանքները։