Քաղաքագետ Ստյոպա Սաֆարյանը «Ֆեյսբուք»-ի իր էջում անդրադարձել է հունվարի 14-ին Վաշինգտոնում կնքված ՀՀ-ԱՄՆ ռազմավարական գործընկերության մասին փաստաթղթի ստորագրմանն ու ՌԴ-ի կողմից սպասվող արձագանքին:
«Հիշեք․ ինչպես 2024թ․ ապրիլի 5-ի եռակողմ գագաթաժողովը զսպեց ու կանխեց Հայաստանի վրա հարձակումը՝ Տավուշից կրակոցով, այնպես էլ այս 2 նոր համաձայնագրերը՝ Հայաստան-ԱՄՆ, որն արդեն ստորագրվեց, և ԵՄ-Հայաստան, խառնելու են Պուտին-Ալիև դուետի պլանները․․․
Բայց սա, իհարկե, մազաչափ չի նվազեցնում Ռուսաստանի ագրեսիվության ռիսկը․ ի վերջո, թուրք-ռուս-ադրբեջանական փուլափաթեթային խոշոր առևտրից հետո կորցնում են Կովկասը։ Հետևաբար հիբրիդային սպառնալիքների դրսևորումներն ահագնանալու են»,- գրել է նա:
Հիշեցնենք, որ հունվարի 14-ին Վաշինգտոնում Հայաստանի և ԱՄՆ-ի միջև ստորագրվել է ռազմավարական գործընկերության մասին փաստաթուղթ։
Ավելի ուշ հրապարակվել է նաև համագործակցության փաստաթղթի ամբողջական տեքստը։
Բաց մի թողեք
Հրաժարվում է Սփյուռքից, ապա ո՞վ կամ ի՞նչն է միավորում Սփյուռքի հայերին․ Արդի Քասախյան
Սա արշավ է Դաշնակցության դեմ, ինչպես որ արշավ է ընթանում եկեղեցու դեմ. Վարդանյան
Դժվար է լինելու զավթել ՀԷՑ-ը․ «ՀայաՔվե»