Անթալիայի 4-րդ դիվանագիտական ֆորումի ընթացքում Թուրքիայի նախագահ Ռեջեփ Թայիփ Էրդողանը հանդիպել է Ադրբեջանի նախագահ Իլհամ Ալիևի հետ և ընդգծել, որ Թուրքիան և Ադրբեջանը կշարունակեն ամրապնդել իրենց համագործակցությունը, հատկապես էներգետիկայի, տրանսպորտի և պաշտպանական արդյունաբերության ոլորտներում:
Ինչպես հայտնում է Ermenihaber-ը, հանդիպման ընթացքում անդրադարձ է կատարվել նաև տարածաշրջանային խաղաղության ջանքերին: Էրդողանը Ադրբեջանի և Հայաստանի միջև ընթացող խաղաղության գործընթացը համարել է հուսադրող: Նա նշել է, որ Թուրքիան Ադրբեջանին դիտարկում է որպես Հարավային Կովկասում խաղաղության հիմնական ճարտարապետ և ընդգծել, որ Թուրքիան զգուշորեն շարունակում է Հայաստանի հետ հարաբերությունների կարգավորման գործընթացը:
Էրդողանի պնդմամբ՝ Թուրքիայի մոտեցումը, ինչպես ցույց է տրվել Անթալիայի դիվանագիտական ֆորումի ժամանակ, արտացոլում է բազմակողմ դիվանագիտական ջանքերի նկատմամբ նրա հանձնառությունը՝ ուղղված Հարավային Կովկասում խաղաղության և կայունության հաստատմանը:
Բաց մի թողեք
Սամվել Կարապետյանի մասնակցությունը անգնահատելի է, իսկ չաջակցելն իմ անձնական հարցն է․ Հովիկ Աբրահամյան
Անազատության մեջ ավելի ազատ եմ, ազատ եմ ավելի, քան երբևէ. Ռուբեն Մխիթարյան
Գեղարքունիքի մարզպետը Հովհաննավանքի պատարագի ու փոքրիկ Տիգրանի կորելու մասին