Վանաձորում կայանալիք Tech Week Vanadzor 2025-ը կունենա 2000-ից ավելի այցելու։ Հուլիսի 4-ից 6-ը Վանաձորը կհյուրընկալի հայկական տեխնոլոգիական համայնքի կարևորագույն իրադարձություններից մեկը՝ Tech Week 2025-ը։
Tech Week-ը «հայթեք» Հայաստանի օրացույցի կարևորագույն իրադարձություններից մեկն է։ Այն երբեք Երևանում չի անցկացվել և ապագայում էլ չի անցկացվելու։ Tech Week-ի ողջ իմաստը մեր երկրի տեխնոլոգիական մայրաքաղաքը Երևանից երեք օրով տարհանելն է։
Այս տարի Վանաձորում Tech Week-ը միավորելու է ոլորտի առաջատարներին, տեխնոլոգիական ընկերությունների ղեկավարներին, փորձառու և սկսնակ ձեռնարկատերերին, ուսանողներին և առհասարակ բոլոր նրանց, ովքեր հետաքրքված են տեխնոլոգիական ոլորտով։
Tech Week-ի հիմնական վայրը Վանաձորի Շառլ Ազնավուրի անվան մշակույթի պալատն է, որտեղ կանցկացվեն կոնֆերանսներ և պանելային քննարկումներ՝ տեղական և միջազգային փորձագետների մասնակցությամբ։
Երեք օրերի ընթացքում կոնֆերանսի շրջանակում հանդես կգա ավելի քան 60 խոսնակ՝ ընկերությունների հիմնադիրներ, ղեկավարներ, տեխնոլոգիական ձեռներեցներ, ներդրողներ և ոլորտի այլ առաջատար դերակատարներ։
Վանաձորի տեխնոլոգիական կենտրոնում (VTC) կանցկացվի ԴևHacks տեխնոլոգիական հաքաթոնը, որը կազմակերպվում է Layerswap ընկերության կողմից։ Հաքաթոնի շրջանակում 3-5 անդամներից բաղկացած թիմերը 48 ժամվա ընթացքում տեղում կփորձեն կյանքի կոչել նորարարական իրենց գաղափարները։ Հաքաթոնին մասնակցելու համար ստացված 95 հայտերից 68 թիմ է ընտրվել։
Tech Week Vanadzor 2025-ը հարթակ է նաև «Wings» գաղափարների մրցույթի համար, որը նպաստելու Լոռու մարզի սոցիալ-տնտեսական զարգացմանը։ Մրցույթն ուղղված է տարբեր ոլորտներ ներկայացնող մասնագիտական թիմերին՝ տեխնոլոգիաներից մինչև ագրոբիզնես ու տուրիզմ։ Առաջին փուլում ընտրվելու են 7 թիմեր, որոնք մենթորների աջակցությամբ կնախապատրաստեն իրենց նախագծերը։
Մրցույթի աջակիցն է Հայաստանի Բիզնես հրեշտակների ցանցը (BANA)։ Մրցույթին մասնակցելու համար ստացվել է ավելի քան 40 հայտ։
Tech Week-ի շրջանակում կայանալիք աշխատարաններին էլ ավելի քան 300 մասնակից է գրանցվել։
Tech Week Vanadzor 2025-ը ոչ միայն միջոցառում է, այլ տարածաշրջանային զարգացման շարժիչ ուժ։ Այն նախաձեռնել են, TCF-ը, Zealous-ը և Առաջատար տեխնոլոգիաների ձեռնարկությունների միությունը (ԱՏՁՄ)։
Բաց մի թողեք
«Վիվա Արմենիան» գնեց «Օվիոն» մոտ 40 մլն դոլարով․ մանրամասներ
Իշխանությունները թքած ունեն Հայաստանի ներդրումային միջավայրի վրա․ Խաժակյան
Եկամուտ ստացող աշխատատեղերի թվաքանակը մայիսին կազմել է 790 հազար 320․ ՊԵԿ