Ռուս-ամերիկյան բանակցությունների երրորդ փուլը՝ երկու երկրների միջև հարաբերություններում առկա խնդրահարույց հարցերի լուծման համար, տեղի կունենա մինչև աշնան վերջը, ՏԱՍՍ-ին ասել է Ռուսաստանի փոխարտգործնախարար Սերգեյ Ռյաբկովը։
«Դա անպայման տեղի կունենա մինչև աշնան վերջը։ Դեռևս ամսաթվեր չկան. ամեն ինչ քննարկման փուլում է», – ասել է բարձրաստիճան դիվանագետը։
Հիշեցնենք, որ այս տարվա փետրվարի 27-ին և ապրիլի 10-ին Ստամբուլում բանակցություններ են անցկացվել Ռուսաստանի և ԱՄՆ դեսպանատների աշխատանքային պայմանները կարգավորելու, ինչպես նաև երկու երկրների միջև հարաբերություններում առկա վիճելի հարցերի լուծման ուղիները քննարկելու համար։
Առաջին երկու փուլերում ռուսական պատվիրակությունը գլխավորել է Վաշինգտոնում ՌԴ դեսպան Ալեքսանդր Դարչիևը, իսկ ամերիկյան կողմը՝ Եվրոպայի և Եվրասիայի հարցերով պետքարտուղարի օգնականի տեղակալ Սոնատա Քալթերը։
Առաջին հանդիպումը, որը տեղի է ունեցել մամուլի համար փակ դռների ետևում, տևել է ավելի քան վեց ժամ, իսկ երկրորդը՝ մոտավորապես հինգուկես ժամ։
Բաց մի թողեք
Որ դեպքում Ուկրաինայում տեղի կունենան նախագահական ընտրություններ․ Զելենսկի
«Միջուկային զսպումը կարող է մեզ նոր հնարավորություններ տալ: Ինչո՞ւ ոչ». Լատվիայի վարչապետ
Ռուբիոն կոչ է անում Եվրոպային փրկել Արևմուտքը՝ համաձայնվելով ԱՄՆ-ի հետ