Վրաստանի նախագահ Միխեիլ Կավելաշվիլին հայտարարել է, որ Ռուսաստանի հետ պատերազմն իր երկրի համար կավարտվեր աղետով։ Նա այս հայտարարությունն արել է ամերիկյան Responsible Statecraft հրատարակությանը տված հարցազրույցում։
«Արևմուտքը պնդում էր, որ մենք պատերազմի մեջ մտնենք Ռուսաստանի հետ, ինչը կհակասեր մեր կենսական ազգային շահերին։ Սա կհանգեցներ 2008 թվականի իրադարձությունների նման հետևանքների, երբ նախորդ կառավարության՝ ՆԱՏՕ-ի նկատմամբ վստահության վրա հիմնված շտապողական որոշումները վերածվեցին աղետի Վրաստանի համար», – նշել է Կավելաշվիլին։
Նա նաև ընդգծել է, որ Թբիլիսիի և Եվրամիության միջև հարաբերությունները վատթարացել են Ուկրաինայում պատերազմի սկսվելուց ի վեր, մասամբ՝ Վրաստանի իշխանությունների կողմից ռազմական օգնություն ցուցաբերելուց և Ուկրաինայի տարածք կամավորներ ուղարկելուց հրաժարվելու պատճառով։
Բաց մի թողեք
«Իրանը մեր հանդեպ ավելի հարգալից է, քան Թուրքիան․․․». Բաքվի արձագանքը
ԵՄ-ն ստուգում է՝ արդյոք Booking.com-ը բավարար միջոցներ ձեռնարկո՞ւմ է կեղծ հայտարարությունների և ֆիշինգային խարդախությունների դեմ պայքարելու համար
Լիտվայում հայտնաբերվել է սինթետիկ թմրամիջոցների խոշոր լաբորատորիա, որը ղեկավարել է Նիդերլանդների քաղաքացի