Սիրելի հայրենակիցներ, անցած շաբաթվա դատարանի որոշումը Լիդյա Մանթաշյանի կալանքը ևս 3 ամսով երկարաձգելու մասով այնքան ցնցող էր իր անարդարության ու դաժանության տեսանկյունից, որ անգամ մերօրյա բռնատիրական պայմաններում մոտ մեկ շաբաթ, մենք՝ նահատակված զինվորների ծնողներս, ի վիճակի չէինք դա ընկալել և կարծիք հայտնել այդ աստիճան բռի իրավական ամենաթողության վերաբերյալ։
Մի բան պարզապես կարելի է հաստատապես ասել, որ Լիդյան այն մարդկանցից է, իր կին լինելով հանդերձ, որ մեր տղաների նման մեկ վայրկյան անգամ չէր վարանի իր կյանքը տար հայրենիքի պաշտպանությանը, մեր երազանքների ու իղձերի իրականացմանը, և կտա՝ հարկ եղած դեպքում, և տալիս է՝ ըստ էության։ Ազնվագույն, մի բարության կերպար, որի առատությունից չարը՝ հանձինս գործող իշխանության, խորշում է և նման վայրի ձևով է վարվում նրա հետ։
Սիրելի հայրենակիցներ, հիշեցնում ենք, որ վաղը՝ նեյեմբերի 27-ին, ժամը 14։00-ին կշարունակվի հայրենիքի նվիրյալ, բարության խորհրդանիշ, «թիվ 1 ահաբեկչի»՝ Լիդյա Մանթաշյանի և մյուս 17 արդարների շինծու դատական գործը։
Դատական նիստը տեղի կունենա նույն հասցեում՝ Արշակունյաց պողոտա 24/1, Շենգավիթի դատարան։ Աջակցենք մեր պայքարի ընկերներին, լինենք նրանց կողքին։
«Որդիների Կանչ» ՀԿ
Բաց մի թողեք
Անգամ «Կրթվելը նորաձեւ է» շարժումը կիսատ թողեց
Նախարարը բացահայտորեն ստում է։ Ստելը հենց այն պարտադիր պայմանն է, որով դու կարող ես համալրել իշխանության շարքերը
Մի օր էլ Սուպեր Սաքո կարող է հնչել եկեղեցում, անմեղսունակներ