Սիրելի Սրբազան եղբայր
Մեծ սիրով և սրտով շնորհավորում ենք ծննդյանդ տարեդարձը` մաղթելով կատարյալ առողջություն, անսասան կամք,աննկուն հավատք և ամբողջական Սերը, որը կրում ես քո սրտում եւ որոնցով ապրել ես եւ վկայել ողջ կյանքում։ Մեր միակ մաղթանքն է, որ գալիք տարին ծննդյանդ տարեդարձը նշենք չարիքից ազատ և հույսով ու հաղթանակով ապրող մեր համբուրելի երկրում` Հայաստան աշխարհում:
Ծննդյանդ տարեդարձն այս տարի նշում ես Հայրենիքի և Հավատքի համար, խղճի և ազատության համար, պատվի և մեր երազների համար պայքարի ելած և սակայն կալանավորված կարգավիճակով:
Մեր կալանավորված, բայց ազատ, բանտված, բայց չսահմանափակված, զնդանված, բայց չծնկած պայմաններից մեր սերը, ողջույնը և շնորհավորությունները քեզ` մաղթելով մեր Տիրոջ զորությունը, առաջնորդությունը և օրհնությունը: Թող մեր Տեր Հիսուս Քրիստոսի շնորհը, Հայր Աստծու Սերը և Սուրբ Հոգու համբույրը լինեն քեզ հետ:
Ամեն
Խցակից` եղբայրական սիրով և աղոթքով
Բագրատ արք. Գալստանյան
Արշակ արք. Խաչատրյան
Հայրենիքի կալանավորներ 27.12.2025.
Բաց մի թողեք
Վարդան Մինասյանը վերադառնում է. Լուսանկար
«Փորձում եմ ապրել այնպես, ինչպես Դավիթս կցանկանար, չնայած շատ ծանր է». Դավիթ Բաբայանն անմահացել է հոկտեմբերի 2-ին, տուն «վերադարձել»… ինն ամիս անց. Լուսանկարներ
Ինչպես են ստիպում հավատալ ստին․ հոգեբաններ