Անցյալ գիշեր ոստիկանությունը մի տղամարդու է գնդակահարել այն բանից հետո, երբ նա առանց համապատասխան թույլտվության ներթափանցել է նախագահ Թրամփի՝ Ֆլորիդայում գտնվող Մար-ա-Լագոյի կեցավայր։
Այս մասին հայտնում է ԱՄՆ Գաղտնի ծառայությունը, ըստ Reuters-ի փոխանցման։
Դեպքը տեղի է ունեցել փետրվարի 22-ին գիշերը 1:30-ին, ըստ տեղի ժամանակի։ Հայտնի է, որ գնդակահարված տղամարդը եղել է քսան տարեկան։ Ինքնությունը չի բացահայտվում։ Նա հայտնաբերվել է կեցավայրի հյուսիսային դարպասների մոտ։
Նրա մոտ եղել են արգելված իրեր։ Սկզբնապես ոստիկանության շերիֆն ու Գաղտնի ծառայության գործակալները նրա հետ փորձել են խոսել, հետո, երբ այն վերածվել է դիմակայության, լիկվիդացրել են տղամարդուն։
Գաղտնի ծառայության գործակալներից կամ ոստիկաններից որեւէ մեկը չի տուժել։ Հայտնի է նաեւ, որ այդ ժամանակ կեցավայրում որեւէ մեկը չի եղել։
Բաց մի թողեք
Իրանը կարող է հրամայել իր պրոքսիներին հարձակվել արտասահմանում ԱՄՆ-ի թիրախների վրա․ NYT
ԵՄ ԱԳ նախարարներն այսօր չեն կարողանա համաձայնության գալ Ռուսաստանի դեմ 20-րդ պատժամիջոցների փաթեթի շուրջ
Ռուսաստանի կողմից Ուկրաինային 50 հրթիռով հարվածելու հետևանքով առնվազն մեկ մարդ է զոհվել