Մեծ հաշվով, գործող իշխանություններին ձայն տվողները կայունություն, խաղաղություն, ապահովություն երազող մարդիկ են, նրանք, ովքեր վախենում են փոփոխություններից ու ցնցումներից, այսպես ասած` փորձած թանը չեն ուզում փոխել անփորձ մածունի հետ:
Նման մարդկանց տրամաբանությունն ու դիրքորոշումը միանգամայն հասկանալի կլինեին եւ ընդունելի, եթե գործող իշխանությունը լիներ այդ կայունության, ապահովության, խաղաղության, անցնցում ապագայի երաշխավորը:
Այնպես է ստացվել, որ այսօր ճիշտ հակառակն է` գործող իշխանությունը հենց անկայունության, անապահովության, ցնցումների, պատերազմների, ճգնաժամերի ու անհայտ ապագայի երաշխավորն է:
Եկեք խաղաղ քննարկենք իրավիճակն ու ՔՊ-ի` մեզ բերելիք ապագան:
ՔՊ-ի մնալը նշանակելու է նորանոր շանտաժներ Ադրբեջանի կողմից եւ պատերազմի վախով կամ հենց պատերազմներով` նորանոր զիջումներ կորզել:
ՔՊ-ի մնալը նշանակում է Ռուսաստանի կողմից պատժամիջոցներ, որոնք կարող են արտահայտվել ե՛ւ գազի գնի բարձրացմամբ, ե՛ւ Ռուսաստանի 2 միլիոն հայերի դեպորտացիայով, ե՛ւ տնտեսական կապերի խզմամբ, իսկ ոչ մեկի համար գաղտնիք չէ, որ մեր արտադրանքի ուղիղ կեսը գնում է Ռուսաստան, Հայաստան եկող փոխանցումների առյուծի բաժինը գալիս է Ռուսաստանից:
ՔՊ-ի մնալը նշանակում է Հայ առաքելական եկեղեցու վրա հարձակումների նոր ալիք` նոր շրջիկ պատարագներ, եկեղեցում նոր տիրադավների ու կարգալույծների ի հայտ գալ, հոգեւորականների կալանավորումներ, դատապարտումներ:
ՔՊ-ի մնալը նշանակում է, որ ցանկացած օր ՔՊ առաջնորդի դուրը կարող է չգալ ձեր կանգնելու կամ խոսելու ձեւը, եւ դուք կարող եք մի քանի րոպեում աշխատատեղից զրկվել:
ՔՊ-ի մնալը նշանակում է այլախոհների հետապնդումներ, Բաքվում գերիների առկայություն, բիզնեսին ուղղված ոտնձգություններ:
Բաց մի թողեք
ՌԴ դեսպանատունը Լոնդոնի՝ Հայաստանի ընտրություններին Ռուսաստանի միջամտության մասին հայտարարություններն անվանել է անհեթեթ
Մայիսի 28-ի զորահանդեսը՝ քաղաքական ցուցադրություն
«Վիվա Արմենիայի» դեմ՝ սեփականության իրավունքի խախտման հայց. գործը հասել է դատարան. Լուսանկար