Նախկին քահանան դատապարտվել է երեք տարի ինը ամսվա ազատազրկման՝ Պուտինի դեմ մահափորձի կոչեր անելու համար։
Այս մասին գրում է «Московский Комсомолец»-ը:
Մոսկվայի արևմտյան երկրորդ շրջանի ռազմական դատարանը Մոսկվայի մարզի նախկին քահանա Վասիլի Պտաշինսկուն դատապարտել է երեք տարի ինը ամիս ազատազրկման։ Նա մեղավոր է ճանաչվել ՌԴ Քրեական օրենսգրքի երկու հոդվածներով՝ ահաբեկչության հրապարակային կոչեր և պետական անվտանգության դեմ ուղղված գործողություններ։
Պարբերականը գրում է, որ հետաքննությունը պարզել է՝ 2023 թվականի ապրիլին Պտաշինսկին «Օդնոկլասնիկի» սոցիալական ցանցում հաղորդագրություն է հրապարակել, որում անհայտ անձանց խմբին դրդել է մահափորձ կատարելու փորձեր ձեռնարկել Ռուսաստանի նախագահի դեմ։ Այլ գրառումներում նա կոչ է արել անցնել թշնամու կողմը և տարածել «Ռուսաստանի ազատության լեգեոնի» գաղափարախոսությունը, որը Ռուսաստանում արգելված ահաբեկչական կազմակերպություն է։
«Московский Комсомолец»-ը գրում է, որ մեղադրյալն ամբողջությամբ ընդունել է իր մեղքը և զղջացել։ Դատարանում նա բացատրել է, որ հատուկ գործողության և իշխանությունների նկատմամբ իր բացասական վերաբերմունքը ծագել է մերձավոր ազգականների մահից հետո։ Դատարանը հաշվի է առել այս հանգամանքը, բայց նրան մեղավոր է ճանաչել։
Բաց մի թողեք
Ղազախստանի նախագահ Տոկաևը առաջարկել է հարգել ԵԱՏՄ պայմանագիրը
Իր մեքենայում սպանել են ռազմական հետախուզության պետին․ մանրամասներ. Լուսանկար
«Սպեցնազի» աշխատո՞ղն է շանը դանակահարել