Հայաստանից Ռուսաստան մի շարք գյուղատնտեսական ապրանքների արտահանման սահմանափակումները շարունակում են պահպանվել, իսկ արգելքների տակ հայտնված ապրանքների ցանկն օրեցօր ընդլայնվում է։
Հրապարակ թերթը գրել է․ Չնայած Նիկոլ Փաշինյանը վստահեցնում է, որ հարցը շուտով կկարգավորվի, իսկ կառավարությունից նշում են, որ հարցի կարգավորման ուղղությամբ աշխատանքներ են տարվում, սակայն առայժմ գործնական արդյունքներ չեն արձանագրվել։ Հիշեցնենք, որ հուլիսի 6-ին Եկատերինբուրգում ՀՀ վարչապետը հանդիպել էր ՌԴ վարչապետ Միխայիլ Միշուստինի հետ։
Հանդիպումից հետո՝ հուլիսի 9-ին, կառավարության նիստից հետո լրագրողների հետ ճեպազրույցում Փաշինյանը հայտնել էր, որ ռուսական կողմի հետ քննարկել է Հայաստանի գյուղմթերքների ներմուծման սահմանափակումների հարցը։ «ՌԴ կառավարության ղեկավարի հետ ունեցել ենք բաց, անկեղծ բարեկամական քննարկում, ձեռք են բերվել մի շարք պայմանավորվածություններ»,- ասել էր նա։
Բայց հրաժարվել էր մանրամասնել, թե ինչ պայմանավորվածությունների մասին է խոսքը՝ նշելով, որ դրանց մասին կխոսի այն ժամանակ, երբ դրանք կյանքի կոչվեն, եւ բոլորը տեսնեն արդյունքը։ Նա նաեւ հույս էր հայտնել, որ առկա խնդիրները կլուծվեն։ Սակայն Միշուստինի հետ հանդիպումից արդեն մեկ շաբաթ է անցել, իսկ իրավիճակում որեւէ փոփոխություն դեռ չկա։
Սննդամթերքի անվտանգության տեսչական մարմնից (ՍԱՏՄ) մեր հարցմանն ի պատասխան հայտնեցին, որ հանդիպումից հետո Հայաստանից Ռուսաստան դեռեւս որեւէ բեռ չի տեղափոխվել այն ապրանքախմբերից, որոնց արտահանումը նախկինում սահմանափակվել էր։
Բաց մի թողեք
Կլկտիանան այնքան, որքան թույլ կտա հանրությունը
Մի օլիգարխին կործանում են, մյուսին՝ աճեցնում
Ի՞նչ կանեին նորմալ երկրներում՝ եթե մի բիզնեսմեն օրենքի հետ խնդիրներ ունենար․ Լուսանկար