Եվրամիության երկրները գաղտնի կերպով պատրաստվում են այն բանին, թե ինչպես է Միությունը դիմագրավելու հիբրիդային հարձակմանը, որի ընթացքում հնարավոր է, որ զոհվեն նաեւ քաղաքացիական անձինք։
Այս թեմայով քննարկումները շատ սահմանափակ անձանց շրջանակում է իրականացվում՝ առանց օգնականների եւ հեռախոսների ֆորմատով։ Քննարկումները սկսվել են, երբ այս տարվա օգոստոսին Լեյպցիգի օդանավակայանում հայտնաբերվել էր պայթուցիկներով ԱԹՍ։
Անցյալ շաբաթ դեսպանների մակարդակով նման քննարկում է եղել հենց քաղաքացիական բնակչության շրջանում զոհերի հարցի առնչությամբ։ Ուշագրավ է այն, որ ոչ բոլոր եվրոպական երկրներն են այս ամենին կողմ։ Որոշ եվրոպական երկրներում կարծում են, որ ԵՄ-ն իր առաքելությունից դուրս է գալիս եւ կրկնօրինակում է ՆԱՏՕ-ին։
ՆԱՏՕ-ն մշակել է «Հաղթանակի տեսություն» պլանը։ Այն ներկայացնում է գործողությունների պլան այն դեպքի համար, եթե Ռուսաստանը որոշի հարձակվել դաշինքի վրա։ Նոր կոնցեպցիան ենթադրում է արագ արձագանք եւ նորագույն տեխնոլոգիաների լայն կիրառություն։
Պլանի հեղինակն է Եվրոպայում դաշինքի միացյալ ուժերի գլխավոր հրամանատար, գեներալ Ալեքսիուս Գրինկեւիչը։ Փաստաթուղթը կներկայացվի Լեհաստանում արդեն հոկտեմբերի 12-ին։ Պլանի նորամուծություններից մեկն այն է, որ լայնորեն ներառված են նորագույն տեխնոլոգիաների կիրառությունը հնարավոր պատերազմական գործողություններում։
Բաց մի թողեք
Մելոնիին սպասվում է ընտրական համակարգի բարեփոխման վերաբերյալ ռիսկային գաղտնի քվեարկություն
Հայաստանի եվրոպական հեռանկարը դարձել է ավելի առարկայական
ՆԱՏՕ-ն դե՞մ է գնում ԱՄՆ-ին․ ռազմական կոմիտեն 8 տարի անց Կիևում է