«Հայաստանի Հանրապետությունը չի քննարկում ռուսական ռազմաբազայի՝ Հայաստանի տարածքից հանելու հարցը»։
Այս մասին լրագրողների հետ ճեպազրույցում ասել է Անվտանգության խորհրդի քարտուղար Ալեն Սիմոնյանը: «Ասուլիսում էլ նշեցի՝ այդ հարցը օրակարգում չկա։ Հայաստանի Հանրապետությունը չի քննարկում ռուսական ռազմաբազայի դուրսբերման հարցը»,- ընդգծել է նա։
«Կարծում եմ՝ ամեն ինչ ասված է: Միշտ չէ, որ բոլոր ասածները պետք է արձագանք ստանան: Պետք է գիտակցենք՝ դա ինչ-որ բան փոխելո՞ւ է»,- այս մասին ճեպազրույցի ժամանակ ասել է Անվտանգության խորհրդի քարտուղար Ալեն Սիմոնյանը:
«Ես կարող եմ հիմա սուր բան ասել, ինչ-որ ձևով արձագանքել, մենք բոլորս 15 րոպե մեզ լավ զգանք, բայց բանակցություններին ես դրանով վնաս տամ: Մենք հարյուր անգամ ասել ենք, որ բանակցություններին, խաղաղությանը պետք է խնամքով վերաբերվենք, և սա այն դեպքն է, երբ այդ խնամքը պետք է ի ցույց դնել»,- նշել է նա:
Լրագրողների հարցին՝ միակողմանի՞ է խնամքը, նա պատասխանել է՝ «ես իրենց համար պատասխանատու չեմ և չեմ էլ ուզում պատասխանատու լինել». «Մենք ո՛չ իրենց աչքն ունենք՝ տեսնելու՝ իրենք ոնց են տեսնում իրավիճակը, ո՛չ էլ իրենք մեր աչքն ունեն»:
Հարցին՝ այդ հարցով խոսե՞լ է ԱԽ քարտուղարը, Ալեն Սիմոնյանը պատասխանել է՝ այո՛, խոսել եմ:
«Կա իրենց տեսակետը, և կա մեր տեսակետը, և իմ աշխատանքի իմաստն այն է՝ մեր տեսակետները չբերել, բախեցնել մեկը մյուսին: Ասում եմ՝ հիմա կարող եմ մեկ, տասը նախադասություն ասել, ասեն՝ ուխ, այս ինչ լավ ասաց, բա հետո՞»,- ընդգծել է նա:
Լրագրողը հետաքրքրվել է՝ Ալեն Սիմոնյանն ասե՞լ է, որ Գանձասարը հայկական է, աղվանական չէ․ «Որ մենք մտնեք այդ խոսակցությունների մեջ, դա մեզ ո՞ւր է տանելու ձեր կարծիքով: Այսինքն՝ մեր ինքնության պաշտպանությունը դրանո՞վ է պայմանավորված»:
Դիտարկմանը՝ ամբողջ դեսպանական կազմին տանում են, հայկական պատմամշակութային կոթողները ներկայացնում աղվանական, ԱԽ քարտուղարն արձագանքել է. «Մենք էլ այդ նույն դեսպանական կազմին տարել ենք Մատենադարան»:
Բաց մի թողեք
ՀՀ-ն պահպանում է լիակատար ինքնիշխանությունը, իրավազորությունը․ հրապարակվել է ԹՐԻՓՓ-ի վերաբերյալ որոշման տեքստը
Դատավորները հավելավճար կստանան․ ի՞նչ է հայտնի
Շատ պատմություններ կան իր և քրեական մշակույթին առնչվող, Մոսկվայում իր բերած մարդը կոնֆլիկտ հրահրեց. Սիմոնյանը Հայկ Սարգսյանի մասին