Իրավապաշտպան, Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը քաղաքացիական հայց է ներկայացրել վերլուծաբան Արգիշտի Կիվիրյանի դեմ։
Իրավապաշտպանը դատարանից խնդրում է պարտավորեցնել պատասխանող Արգիշտի Կիվիրյանին դատարանի վճիռն օրինական ուժի մեջ մտնելուց հետո հինգ աշխատանքային օրվա ընթացքում հրապարակայնորեն, նույն կայքի՝ «Argishti Kiviryan (Արգիշտի Կիվիրյան)» անվանմամբ ֆեյսբուքյան էջի միջոցով ներողություն խնդրել իրենից՝ վերջինիս 24.09.2024թ.-ին հրապարակված հայտարարություններով վիրավորելու համար՝ պատասխանողին պատկանող ներողության տեքստը հրապարակելով և մեկ ամիս շարունակ պահպանելով բոլորին հասանելի եղանակով։
Սաքունցը նաև ընդհանուր 2.000.000 ՀՀ դրամ է պահանջում բռնագանձել Կիվիրյանից՝ վիրավորանքի համար, ինչպես նաև 80.000 ՀՀ դրամ՝ որպես հայցադիմումի համար նախապես վճարված պետական տուրքի գումար:
Նշենք, որ Կիվիրյանն իր վերոհիշյալ գրառման մեջ, զետեղելով Սաքունցի մասնակցությամբ հաղորդման «սքրինշոթը»՝ իրավապաշտպանի լուսանկարով և հայտնած կարծիքով՝ «ԱԱԾ-ն բացահայտեց Կրեմլի կողմից պատրաստվող ահաբեկչական ակտ. ագենտուրան հենց սա է», նրա հասցեին անպարկեշտ բառ է գործածել։
Բաց մի թողեք
«Գեորգիքս» բլոգերն ու լրագրող ներկայացած անձը կասկածվում են շորթում կատարելու մեջ. Լուսանկար
4 զինծառայող է կալանավորվել ժամկետային Արամայիս Գեւորգյանին ինքնասպшնության հասցնելու մեղադրանքով
Առեղծվածային դեպք՝ Երևանում․ 15-ամյա երեք տղաներ Երևանի 1-03 շտապօգնության ավտոմեքենաներով, ծայրահեղ ծանր վիճակում, տարբեր աստիճանի մարմնական վնասվածքներով տեղափոխվել են ԲԿ․ բժիշկները պայքարում են նրանց կյանքի համար