Եվրախորհրդի ղեկավար Շառլ Միշելը, որը դեկտեմբերի 1-ից հեռանում է պաշտոնից, Երրորդ համաշխարհային պատերազմի սկսման վտանգը «իրական» է համարել և կոչ է արել խուսափել դրանից։
«Ոչ մի կասկած չկա, որ մենք ծայրահեղ վտանգավոր պահ ենք ապրում ոչ միայն Եվրոպայի համար, այլև ամբողջ աշխարհի։ Երրորդ համաշխարհային պատերազմը հնարավոր է, բայց մենք կարող ենք և պետք է խուսափենք դրանից։ Դեռ հնարավոր է փոխել պատմության ընթացքը»,- ասել է Միշելը Soir թերթին տված հարցազրույցում։
Բրյուսելի պաշտոնյան չի հստակեցրել, թե ում է տեսնում որպես հնարավոր հակամարտության մասնակիցների։
Միաժամանակ Միշելը կոչ է արել ռազմական շինարարությունը դարձնել Եվրամիության հետագա տրանսֆորմացիայի հիմնական տարրերից մեկը։ Նրա խոսքով՝ անհրաժեշտ է «հայտնագործել նոր եվրոպական երազանք», որը հիմնված կլինի տնտեսական հզորության, անվտանգության ու պաշտպանության ոլորտների առաջնահերթ զարգացման վրա։
«Մենք չենք կարող թույլ տալ, որ Եվրոպան վերածվի կարոտի և հպարտության թանգարանի՝ հրաշալի անցյալով»,- կարծում է նա։
Խոսելով ԱՄՆ ընտրությունների մասին՝ Միշելն ընդգծել է, որ «ռացիոնալ տեսանկյունից (նախագահի թեկնածուներ Դոնալդ) Թրամփը և (Քամալա) Հարիսը միանման են բազմաթիվ տնտեսական հարցերում», ուստի Եվրոպան չպետք է վախենա Թրամփի հաղթանակից։
Բաց մի թողեք
Գերմանիայի պոպուլիստական ձախերը ցանկանում են հակաիշխանական համաձայնագիր կնքել ծայրահեղ աջերի հետ
Եկել եմ ասելու, որ դուք կարող եք մեզ վրա հույս դնել. Ֆոն դեր Լեյեն
Պրահան խոստանում է շարունակել Ուկրաինային զինամթերքի մատակարարումները