Հայաստան-Թուրքիա սահմանին անցած ամիս տեղի է ունեցել երկու երկրների մի շարք գերատեսչությունների ներկայացուցիչների հանդիպումը:
Ինչու է կայացած հանդիպման վերաբերյալ պաշտոնական տեղեկությունն ավելի ուշ հրապարակվել:
Հանրահին ՀԸ եթերում պատասխանելով հարցին, Հայաստանի և Թուրքիայի կարգավորման գործընթացի հատուկ ներկայացուցիչ, ԱԺ նախագահի տեղակալ Ռուբեն Ռուբինյանն ասաց՝ հանդիպումը գաղտնի չի եղել, իսկ հաղորդագրություն հրապարակելու պայմանավորվածություն չեն ունեցել:
«Այս հանդիպումը կայացել է իմ և Թուրքիայի ներկայացուցչի վերջին հանդիպման ժամանակ ձեռք բերված պայմանավորվածության կոնտեքստում։ Մենք պայմանավորվել էինք, որ կողմերը տեխնիկական գնահատում կանեն կարիքների, որոնք անհրաժեշտ են Ախուրիկ-Աքյաքա երկաթուղային անցակետը վերագործարկելու համար: Դա երկաթուղային հատումն է, ավելի հայտնի է որպես Կարս-Գյումրի: Բավական մեծ պատվիրակություններ են եղել և սահմանին հանդիպումը կայացել է կառուցողական մթնոլորտում»,- ասաց Ռուբինյանը։
Ռուբինյանն ասաց՝ հանդիպմանը մասնակցել են նաև այն գերատեսչությունների ներկայացուցիչները, որոնք պատասխանատու են լինելու Անիի պատմական կամրջի համատեղ վերականգման համար: Այդ հարցը նույնպես քննարկվել է:
Բաց մի թողեք
Գնդակահարության պատ. Փաշինյանը կոչ է արել վերջին գրառման տակ թողնել իրեն ուղղված մեղադրանքները
Ահավոր վատ կզգամ, եթե մարդիկ ասեն, որ ընտրությունից ընտրություն եմ գյուղ կամ մարզ գնում. Փաշինյան
Հյուպատոսական ծառայությունը տեսակապով հեշտացրել է արտերկրում բնակվող ՀՀ քաղաքացիների կյանքը. ԱԳՆ