Ֆինանսների նախարար Վահե Հովհաննսիյանն ամփոփեց 2024-ը։ Նա մասնավորեց՝ որպես առաքելություն են սահմանել կառուցելու պետության դիմակայուն ֆինանսական համակարգեր՝ առաջ մղելու համար Հայաստանի բեկումնային զարգացումը։
Հովհաննիսյանն անդրադարձավ պետական պարտքին․ նշեց, որ այն 2024-ի վերջին կլինի ՀՆԱ-ի մոտ 49,8 տոկոսի չափով։ ՀՆԱ աճ՝ 5 տոկոս։
Հովհաննիսյանն անդրադարձավ նաև շրջանառության հարկի տոկոսադրույքի բարձրացմանն ու նկատեց, որ միաժամանակ մեծացվել է շրջանառության հարկ վճարելուց նվազեցումների հնարավորությունը։
Նախարարը նշեց, որ այս ուղղությամբ մեծ վերլուծական աշխատանք է իրականացվում։ Ցանկացած արտոնություն նշանակում է հանրային միջոցների տրամադրում։ Այսինքն՝ հանրությունը համաձայնում է ինչ-որ մի խմբի տրամադրել միջոցներ, իսկ նախարարությունը պետք է հոգատար լինի այդ միջոցների ծախսմանը, – ասաց նախարարը։
Անդրադառնալով եկամտահարկի վերադարձը հարկելու մասին նախագծին՝ նախարարն ասաց, որ այն մեծ աղմուկ է բարձրացրել։ Այս ուղղությամբ պետական բյուջեի ծախսերը հասել են 80 մլրդ դրամի։
Իսկ առողջապահության համապարփակ ապահովագրության համակարգի ներդրումը հետաձգվում է համակարգի պատրաստ չլինելու պատճառով։ Փողը կա, ասաց նախարարը, բայց համակարգը պատրաստ չէ այնպիսի գործարկման, որ հնարավոր լինի վստահ լինել, որ վճարված գումարները տալու են ակնկալված արդյունք։
Բաց մի թողեք
ԵՄ մայրաքաղաքները հայտարարում են, որ ամերիկյան տեխնոլոգիաների հեռացումը իրատեսական չէ․ Ռուսաստանի խնդիրը
Ցուկերբերգը պլանավորում է անշարժ գույք ձեռք բերել «Միլիարդատերերի բունկեր»-ում. Լուսանկար
2025-ին մենք կարողացել ենք հարկ վճարողներին վերադարձնել 409 մլրդ դրամ. ՊԵԿ նախագահ