Գերմանիայի արևելյան Սաքսոնիա դաշնային հողի Քեմնից քաղաքը հունվարի 1-ին դարձել է 2025 թվականի Եվրոպայի մշակութային մայրաքաղաք՝ սլովենական Նովա Գորիցայի և իտալական Գորիցիայի հետ միասին։
Ըստ dpa գործակալության՝ Քեմնիցում մշակութային միջոցառումների մեկնարկը նախատեսված է հունվարի 18-ին։ Այդ օրը այնտեղ սպասում են մոտ 80 հազար հյուրի։ Քաղաքի կենտրոնում տեղի կունենա հանդիսավոր բացում, որին կհաջորդեն արարողություններ քաղաքապետարանում և օպերային թատրոնում:
Ընդհանուր առմամբ, մեկ տարվա ընթացքում կիրականացվի 229 մշակութային ծրագիր, հայտնում է DW-ն։ Դրանց թվում՝ արվեստի և քանդակի արահետի ստեղծում, Էդվարդ Մունկի շոու, պարի, երաժշտության և արվեստի փառատոներ, եվրոպական արդյունաբերական քաղաքների վերափոխման և հանքարդյունաբերության մասին ցուցահանդեսներ, ամառային բացօթյա համերգներ Թատերական հրապարակում:
Ծրագրի մի մասը նվիրված է լինելու Երկրորդ համաշխարհային պատերազմի ավարտի 80-ամյակին։ Մարտի 5-ին տեղի կունենան միջոցառումներ՝ նվիրված 1945 թվականին Քեմնիցի ռմբակոծության հիշատակին, երբ քաղաքի մի մասն ավերվեց դաշնակիցների ինքնաթիռների կողմից, ինչի հետևանքով զոհվեց մոտ 2100 մարդ: Մայիսի 8-ին նախատեսվում է «Եվրոպայի խաղաղության ղողանջներ» կոչվող զանգերով ակցիան։
Բաց մի թողեք
«Խնդրեցի Լևոնին այդ օրը գալ ինձ հետ նկարահանման, ուզում էի, որ ամեն ինչ բնական լինի». Սիրուշո
«Կխեղդվեք ձեր թափած արյան մեջ. Թույլ չենք տա պղծել Արևելյան Երուսաղեմը». Էրդողան
Դատվածություն ունեցող Մարտիրոսյանը ՌԴ-ում պատգամավոր է դարձել․ Լուսանկար