Նիկոլ Փաշինյանն այսօր առավոտյան մի չափազանց կարևոր ինֆորմացիայով է կիսվել իր ֆեյսբուքյան պատին։
Նա, մասնավորապես, գրել է․ «2025թ. առաջին վեց օրերի տվյալներով 2024-ի նույն օրերի համեմատ օդային տրանսպորտով ՀՀ ժամանած ուղեւորների թիվը աճել է 19.8 տոկոսով։ Ընդհանուր առմամբ օդային տրանսպորտով ուղեւորահոսքը աճել է գրեթե նույնքան։ ԵՄ-ից ստացած տվյալներով 2018-ից ի վեր ՀՀ-ից դեպի ԵՄ օդային տրանսպորտով ուղեւորահոսքը աճել է շուրջ 400 տոկոսով»։
Թե ում է պետք այս ինֆորմացիան և ինչ է տալիս դա մեր հանրությանը՝ գիտի երևի միայն ինքը։
Փոխարենը, Երևանի նախկին քաղաքապետ ու Փաշինյանի նախկին թիմակից Հայկ Մարությանը որոշել է օգտվել առիթից և հենց այս հրապարակման տակ Փաշինյանից ճշտել, թե ի՞նչ է մտածում նա փետրվարի 1-ից Երևանի տրանսպորտի թանկացման մասին։ Մարությանը նաև իր էջում բացատրել է, թե ինչու է ինքն այս հարցի պատասխանը փորձել ճշտել Փաշինյանից այս գրառման տակ։
«Սիրելի հայրենակիցներ, եթե հիշում եք, Տիգրան Ավինյանի հետ բանավեճի ժամանակ ես նրան երեք անգամ հարցրեցի՝ ի՞նչ է մտածում Նիկոլ Փաշինյանը տրանսպորտի թանկացումների մասին։ Հարցերս անպատասխան մնացին։
Հիմա, արդեն երկրորդ անգամ նույն հարցը տալիս եմ կառավարության ղեկավարին: Ես բացառում եմ, որ Փաշինյանը մայրաքաղաքի տրանսպորտի կտրուկ թանկացման վերաբերյալ կարծիք չունենա եւ հուսով եմ, նա կամք կգտնի իր մեջ՝ ձվածեղի ու հեծանիվի արանքում պատասխանելու այս կարևոր հարցին»,- գրել է Մարությանն իր ֆեյսբուքյան էջում և դրան կցել Փաշինյանի գրառման տակ շարադրած իր հարցերի սքրինները։
Այս պահի դրությամբ Նիկոլ Փաշինյանից դեռ արձագանք չկա Հայկ Մարությանի հարցերին։ Հետաքրքիր է՝ կպատասխանի՞, թե՞ կթողնի անարձագանք։
Բաց մի թողեք
Առողջական վիճակով պայմանավորված տարկետումը բավական է շահարկեք. Նանուշյանը՝ որդու չծառայելու մասին
Հայաստանի իշխանության լռության պայմաններում մեր «երկրի վզին», ինչ էլ ուզենան, կփաթաթեն․ պատգամավոր
Ու մի ասա, էդ ․․․ պուտանկեքը, հեսա պարզում եմ՝ ովքեր են․ Խամոյանն ընթերցեց Սիրունյանի ՖԲ ստատուսները