Միացյալ Նահանգների պաշտպանության նախարարությունը երկու սկանդալների մեջ է հայտնվել՝ կապված ԱՄՆ նախագահի ավագ խորհրդական Իլոն Մասկի գործունեության հետ։
«ԱՄՆ պաշտպանության նախարարությունում վերջին օրերին երկու խոշոր սկանդալ է տեղի ունեցել. Դրանցից ամենաաղմկոտը տեղի է ունեցել այն բանից հետո, երբ ԶԼՄ-ները հրապարակեցին գերատեսչության՝ միլիարդատեր Իլոն Մասկին Չինաստանի հետ հնարավոր պատերազմի նախապատրաստման հետ կապված հույժ գաղտնի տեղեկություններին ծանոթացնելու մտադրության մասին հաղորդագրությունները», – գրում է թերթը՝ հղում անելով աղբյուրներին:
Նրանք պարզաբանել են, որ Պենտագոնը հերքել է նման գործողությունների մասին տեղեկությունները և ներքին հետաքննություն է սկսել՝ պարզելու ապատեղեկատվության աղբյուրը։
Բացի այդ, երկրորդ սկանդալն է ի հայտ եկել՝ կապված Պենտագոնի վերլուծական կենտրոնը լուծարելու՝ ԱՄՆ պաշտպանության նախարար Փիթ Հեգսեթի ծրագրերի հետ։ Որոշումն ընդունվել է Մասկի նախաձեռնած բյուջեի կրճատման քաղաքականության համատեքստում։
Այնուամենայնիվ, Հեգսեթը հրամայել է պատրաստել կենտրոնի վերականգնման ծրագիր, սակայն հաշվի առնելով Վաշինգտոնի ռազմավարական նոր առաջնահերթությունները։
Ավելի վաղ, ըստ Bloomberg-ի, ԱՄՆ պաշտպանության նախարարությունը հետաքննություն էր սկսել՝ պարզելու Մասկի Պենտագոն կատարած այցի մասին տվյալների արտահոսքի աղբյուրները։
Բաց մի թողեք
Լուկաշենկոն պատասխանատվության կենթարկվի, ամեն ինչի համար պատասխան կտա․ Զելենսկի
Դոնալդ Թրամփը Նենսի Փելոսիին անվանել է «գարշահոտ քաղաքական ծնունդ». Լուսանկար
Էրդողանը մեկնել է Բաքու, ինչու, ինչ է հայտնի