Ուկրաինայի Զինված ուժերի գլխավոր հրամանատար Ալեքսանդր Սիրսկու զեկույցից հետո Ուկրաինայի նախագահ Վլադիմիր Զելենսկին տեղեկացրել է ռազմաճակատում ակտիվ ռազմական գործողությունների մասին։
Ըստ Սիրսկու՝ ապրիլի 20-ի տեղական ժամանակով «ժամը 6:00-ի դրությամբ» ռազմաճակատում տիրող իրավիճակի մասին զեկույցի, «առաջնագծում տարբեր ուղղություններով արդեն 59 ռուսական հրետակոծություն է եղել և ռուսական ստորաբաժանումների կողմից հինգ գրոհային գործողություն», – ասել է Ուկրաինայի նախագահը։
Զելենսկու զեկույցում նշվում է, որ բախումներ են տեղի ունեցել Դոնեցկի, Լուգանսկի և Զապորոժիեի շրջաններում, ինչպես նաև Ռուսաստանի տարածքում՝ Կուրսկի մարզում, որտեղ եղել են «հրետանային հարվածներ և անօդաչու թռչող սարքերի կիրառում»։
«Մեր մարտիկներն ամենուր պատասխանում են այնպես, ինչպես արժանի է հակառակորդին հատուկ մարտական հանգամանքներում: Ուկրաինան կշարունակի գործել հայելային ձևով», – հավելել է նա:
«Ընդհանուր առմամբ Զատիկի առավոտյան կարելի է ասել, որ ռուսական բանակը փորձում է հրադադարի ընդհանուր տպավորություն ստեղծել, բայց երբեմն չի հրաժարվում առաջխաղացման անհատական և Ուկրաինային կորուստներ պատճառելու փորձերից»,- ասել է Ուկրաինայի նախագահը։
«Ռուսաստանը պետք է ամբողջությամբ պահպանի հրադադարը», պնդել է նա և հավելել, որ կիրակի ժամը 24:00-ից հետո հրադադարը 30 օրով երկարաձգելու ուկրաինական առաջարկը մնում է ուժի մեջ։
Ռուս զինվորականները չեն հայտնել ՌԴ նախագահ Վլադիմիր Պուտինի՝ նախօրեին հայտարարված «Զատկի զինադադարի» խախտման մասին։
Բաց մի թողեք
Ես չեմ կառչում աթոռից, մենք պատրաստ ենք ընտրություններ անցկացնել, եթե անվտանգային իրավիճակը թույլ տա. Զելենսկի
Իրանը կարող է «թուրքական փոխակերպման ենթարկվել», Հայաստանին պետք է զգուշանալ
Պատերազմը չէր լինի, եթե Կառավարության ղեկավարը խնդրո առարկա կարգավորման փաթեթին ընթացք տար