Իսրայելի պաշտպանության նախարար Իսրայել Կացը զգուշացրել է Իրանի գերագույն առաջնորդ այաթոլլա Ալի Խամենեիին, որ նա կարող է արժանանալ նույն ճակատագրին, ինչ Իրաքի նախկին առաջնորդ Սադամ Հուսեյնը, որը մահապատժի է ենթարկվել 2006 թվականին:
«Ես զգուշացնում եմ Իրանի բռնապետին՝ դադարեցնել ռազմական հանցագործությունները և հրթիռների արձակումն իսրայելցի խաղաղ բնակիչների վրա: Նա պետք է հիշի Իրանի հարևան երկրի բռնապետի ճակատագիրը, ով նույն ճանապարհն էր ընտրել Իսրայելի դեմ»,- ասել է Կացը՝ նկատի ունենալով Սադամ Հուսեյնին։
Անդրադառնալով Իսրայելի կողմից նախորդ օրը Իրանի պետական հեռուստատեսության շենքին հասցված հարվածին, Կացն ասել է, որ իրանական ռեժիմին աջակցող այլ վայրեր նույնպես կարող են թիրախ դառնալ:
«Մենք այսօր կշարունակենք գործել Թեհրանում ռեժիմի և ռազմական թիրախների դեմ, ինչպես երեկ հարվածեցինք քարոզչության և սադրանքների հեռարձակման կենտրոնին», – ասել է նա:
Բաց մի թողեք
Լրագրողը հրաժարվել է բանտից դուրս գալ Լուկաշենկոյի շնորհած ներմամբ
Սիդնեյում ահաբեկչությունը տեղի է ունեցել, երբ տեղի հրեական համայնքի ներկայացուցիչները տոնում էին ազգային «Խանուկա» տոնը
Ռուսաստանում գնդակահարվում են, բայց չեն ցանկանում պատերազմել Ուկրաինայի դեմ