Մայր Աթոռում տեղի ունեցող խայտառակ իրադարձություններին, ինչպես ենթադրվում էր, հատուկ ուշադրությամբ և առավել ևս հրճվանքով են հետևում Ադրբեջանում:
Հայաստանի Ազգային անվտանգության ծառայությունը հայտարարել է արքեպիսկոպոս Միքայել Աջապահյանին ձերբակալելու որոշման մասին՝ դատարան դիմելու նպատակով՝ որպես խափանման միջոց կալանք կիրառելու համար, գրում է ադրբեջանական առաջատար ԶԼՄ-ներից Հաքին.ազ-ը՝ հղում անելով հայկական տեղեկատվական բաց ռեսուրսներին:
Կայքը նշում է, որ Նիկոլ Փաշինյանը սկսել է ձերբակալել ռուսամետ արքեպիսկոպոսներին՝ ակնարկելով ՀՀ իշխանությունների կողմից հրապարակ նետված տխմար թեզը, թե այսպես կոչված «Հեղաշրջման պլանը» ռուսական կողմի նախաձեռնությունն է, իսկ հոգևոր բարձրագույն դասն առնչակից է դրան:
«Ազգային անվտանգության ծառայությունը կոչ է արել քաղաքացիներին զերծ մնալ իրավիճակի սրումից և չխառնվել անվտանգության ուժերի գործողություններին։ Արքեպիսկոպոսին կոչ են արել «չթաքնվել իրավապահ մարմիններից» և ներկայանալ ԱԱԾ աշխատանքային խմբին, որը նրան սպասում է կաթողիկոսական նստավայրի բակում»,- շարունակում է Հաքին.ազ-ը։
Ադրբեջանական իշխանամետ կայքը նաև նկարագրում է, որ իշխանությունները փակել են հավատացյալների մուտքը Էջմիածին, իրավապահների, քաղաքացիների և հոգևորականների միջև բախումներ են տեղի ունենում։
Բացի այդ, ոստիկանությունը խուզարկում է Էջմիածին ուղևորվող մեքենաները, հավելում է կայքը:
Բաց մի թողեք
Շիրակի մարզպետը դեռ տեղյակ չէ, որ իր խորհրդականը բռնություն է գործադրել պարեկային ծառայողի նկատմամբ
Ես ավելի լավ եմ կարողանում կառավարել ոլորտը, քան Արծվիկ Մինասյանը. Դավիթ Խուդաթյան
Ռուբեն Վարդանյանի փաստաբանն աչքի է ընկնում հայատյացությամբ․ Լուսանկար