Շանհայի համագործակցության կազմակերպությունը որոշել է համատեղել «դիտորդ» և «երկխոսության գործընկեր» կարգավիճակները, ըստ Տյանցզինում կայացած գագաթնաժողովի եզրափակիչ հռչակագրի։
Ներկայումս ՇՀԿ-ն ներառում է տասը անդամ պետություն՝ Բելառուս, Հնդկաստան, Իրան, Ղազախստան, Ղրղզստան, Չինաստան, Պակիստան, Ռուսաստան, Տաջիկստան և Ուզբեկստան։
Բացի այդ, կազմակերպության հետ համագործակցում են դիտորդի կարգավիճակ ունեցող երկու պետություն՝ Աֆղանստանը և Մոնղոլիան, ինչպես նաև երկխոսության գործընկերոջ կարգավիճակ ունեցող տասնչորս երկիր, այդ թվում՝ Ադրբեջանը, Հայաստանը, Բահրեյնը, Եգիպտոսը, Կամբոջան, Կատարը, Քուվեյթը, Մալդիվները, Մյանման, Նեպալը, ԱՄԷ-ն, Սաուդյան Արաբիան, Թուրքիան և Շրի Լանկան։
Գործընկերոջ կարգավիճակ է շնորհվել նաև Լաոսին։
Հնդկաստանը կրկին արգելափակել է Ադրբեջանի անդամակցությունը Շանհայի համագործակցության կազմակերպությանը։
Ըստ տեղեկությունների՝ որոշումը պայմանավորված է Բաքվի և Իսլամաբադի ջերմ հարաբերություններով։ Անդամ լինելու փոխարեն Ադրբեջանը կլինի «ՇՀԿ գործընկեր»։
Չինաստանում ՇՀԿ+ գագաթնաժողովից հետո ընդունված հայտարարության համաձայն՝ անդամ պետությունները միավորել են «դիտորդ» և «երկխոսության գործընկեր» կարգավիճակները՝ ստեղծելով նոր կարգավիճակ՝ «ՇՀԿ գործընկեր»։
Բաց մի թողեք
Լրագրողը հրաժարվել է բանտից դուրս գալ Լուկաշենկոյի շնորհած ներմամբ
Սիդնեյում ահաբեկչությունը տեղի է ունեցել, երբ տեղի հրեական համայնքի ներկայացուցիչները տոնում էին ազգային «Խանուկա» տոնը
Ռուսաստանում գնդակահարվում են, բայց չեն ցանկանում պատերազմել Ուկրաինայի դեմ