SMS-ի միջոցով պաշտոնանկությունների շրջանում առաջ ընկնելով իրեն հասանելիք նամակից՝ ԲԴԽ նախագահը Կարեն Անդրեասյանն իր դիմումի համաձայն հրաժարվեց զբաղեցրած պաշտոնից:
Այսօր, սակայն, նա դարձյալ պաշտոն ունի Նիկոլ Փաշինյանի կառավարությունում։ Անդրեասյանի՝ 2024 թվականի դեկտեմբերի 17-ին ներկայացրած իր հաշվետու տարվա անշարժ գույքի և եկամուտների մասին հայտարարգիրը, որից տեղեկանում ենք՝ Անդրեասյանն ունի 5 անշարժ գույք, որից մի բնակարանը գնման եղանակով ձեռք է բերվել 2023 թվականին, 2019 թվականին՝ անհատական բնակելի տուն, 2012-ին՝ բնակարան, 2003-ին էլ մեկ տուն, մեկ հողամաս։ Վերջիններս եղել են նվիրատվության եղանակով։
ԲԴԽ նախկին նախագահը, ով արդեն հանդիսանում է Միջազգային իրավական հարցերով ՀՀ ներկայացուցիչ, 2017 թվականին ձեռք է բերել 4 մլն դրամի արժողությամբ զարդ։
Անդրեասյանի բանկային հաշվի մնացորդը պաշտոնից հրաժարական տալու պահին կազմել է 173 հազար դրամ, 431 դոլար, 4,811 և 160,939 եվրո։
Կարեն Անդրեասյանի հաշվետու տարվա եկամուտը ԲԴԽ-ում պաշտոնավարման ընթացքում կազմել է 16 մլն 938 հազար դրամ։
Հանգստի համար Անդրեասյանը տրամադրել է 9 մլն 400 հազար դրամ։
Ներկայումս Միջազգային իրավական հարցերով ՀՀ ներկայացուցիչը հանդիսանում է «Էյ Էմ իրավաբանական ընկերություն» ՍՊԸ-ի 40% բաժնետեր, իսկ Կարեն Անդրեասյանի կինը՝ Եվա Առաքելյանը տվյալ ընկերությունում հանդիսանում է գլխավոր իրավախորհրդատու։
Հիշեցնենք, որ 2024 թվականի նոյեմբերի 18-ին Հայաստանի Հանրապետության բարձրագույն դատական խորհրդի նախագահ Կարեն Անդրեասյանը հրաժարական ներկայացրեց, թեև իր պաշտոնավարման սահմանադրական ժամկետի ավարտը 2027 թվականի հոկտեմբերի 6-ն էր: Նրա հրաժարականին նախորդել էր Արդարադատության նախարար Գրիգոր Մինասյանի հրաժարականը, որը Կարեն Անդրեասյանի մտերիմ ընկերն է:
Հիշեցնենք նաև, որ Անդրեասյանը ըստ էության, այս պաշտոնում փոխարինում է Եղիշե Կիրակոսյանին, որը հրաժարական էր ներկայացրել ամիսներ առաջ, երբ հայտնի դարձավ, որ Հայաստանն ու Ադրբեջանը քննարկում են խաղաղության պայմանագրի ստորագրումից հետո միմյանց դեմ միջազգային հայցերը հետ կանչելու հարցը:
Կիրակոսյանը դեմ էր արտահայտվել դրան, արդյունքում Փաշինյանի հետ հարաբերությունները լարվել էին և նա լքեց պաշտոնը: Իշխանական շրջանակները չեն կասկածում, որ Կարեն Անդրեասյանը հեշտությամբ կգնա այն ճանապարհով, որը թելադրելու է Փաշինյանը, և որևէ առարկություն չի ունենա, երբ խոսքից անցնե գործի, և Հայաստանը հրաժարվի Բաքվի դեմ միջազգային հայցերից:
Բաց մի թողեք
Ապրիլի 20-ի աստղագուշակ․ Աշխատեք ավելի շատ ժամանակ անցկացնել ձեզ համար թանկ մարդկանց հետ
Վալոդյա Գրիգորյանի մայրը խիստ բարկացած դիմեց ոստիկաններին. Տեսանյութ
Երգն ու պարը միասին էին՝ ապրելու կենարար ուժով, Արցախ վերադարձի հույսով, այն մեծ հավատով