Տպավորություն է, թե իշխանության ներկայացուցիչները միմյանց հետ մրցում են «ով ավելի մեծ ապուշություն ու անհեթեթություն կասի» «նոմինացիայում», եւ մենք` որպես այդ մրցույթի ժյուրիի անդամներ, դժվարանում ենք որոշել, թե ով է «հաղթողը», քանի որ հավակնորդները շատ են:
Հրապարակ թերթը գրել է․ Ահա․ կարդում եմ ֆինանսների գործող նախարար Վահե Հովհաննիսյանի հանճարեղ միտքը․
«Եթե կենսաթոշակն այսօր բարձրացնենք, վստահ եմ` թոշակառուն ավելի վատ կենսամակարդակ կունենա»: Մտքի այս տիտանը, իհարկե, անգրագետ չէ, ոչ էլ թոշակառուների թշնամին է, գուցե նաեւ կփորձի հիմնավորել իր այս հանճարեղ միտքը:
Այնպես, ինչպես Հանրային ծառայությունները կարգավորող իշխանալեզ հանձնաժողովն է փորձել հիմնավորել, թե ինչու են մերժել Կարապետյանների հայտը` հոսանքի սակագինն իջեցնելու հարցում: Այն բանից հետո, երբ Նարեկ Կարապետյանը հրապարակեց այդ տեղեկությունը, որ իրենք ամռանը դիմել են ՀԾԿՀ` հոսանքի սակագինն իջեցնելու առաջարկով, եւ, ով զարմանք` ՀԾԿՀ-ն մերժել է այն, Հանձնաժողովը, ոտուձեռ ընկած, մի «կռուտիտ» հորինեց, որի բովանդակությունը երեւի քչերը հասկացան, բայց որով ուզում էին մարդկանց համոզել, որ սակագնի իջեցումը ոչ թե լավ բան է, այլ` վատ, որովհետեւ այդ իջեցումից «6 ամիս հետո կառաջացներ էական ռիսկ` սակագների կրկին բարձրացման»։
Ուրիշ անհեթեթություններ էլ ենք ամեն օր լսում, որոնց հանդեպ արդեն իմունիտետ ունենք: 2 օր առաջ ԵԿՄ նախագահ Սասուն Միքայելյանը Փաշինյանի հայտնի ելույթի մասին ասել է. «Մարդ ա, պահի տակ ասել է` Արցախը Հայաստան է»:
Պահի տակ կործանարար հայտարարություններ անող այս անմեղսունակները չեն էլ հասկանում, թե իրենց յուրաքանչյուր արտահայտությունն ինչ է նստում այս երկրի ու ժողովրդի վրա: Նրանք ապրում են օր մթնեցնելու ռեժիմով:
Բաց մի թողեք
Ինչ կարգի, ինչով վարակված ցորեն է Ղազախստանից Ադրբեջանով ներկրվում Հայաստան
Նա մահացել է, հարություն առել, ես ով եմ, որ մեկնաբանեմ նրան․ Արամյան
Որոնք են իշխանության ամենօրյա քննարկումների թեմաները