ԱՄՆ նախագահ Դոնալդ Թրամփի վարչակազմի կողմից մշակված Ուկրաինական հակամարտության կարգավորման նոր պլանը նախատեսում է Ուկրաինայի տարածքում ռուսաց լեզվին պետական կարգավիճակի տրամադրում, Մոսկվայի պատրիարքության ենթակայության ներքո գործող Ուկրաինայի Ուղղափառ եկեղեցու իրավունքների ապահովում։
Այս մասին հայտնում է Financial Times պարբերականը։ Համաձայն հրապարակման, պլանը կազմվել է ռուսական կողմի հետ խորհրդակցությունների արդյունքում։ Այն այս շաբաթ ԱՄՆ նախագահի հատուկ դեսպանորդ Սթիվ Վիթքոֆի կողմից փոխանցվել է Ուկրաինայի Ազգային անվտանգության եւ պաշտպանության խորհրդի քարտուղար Ռուստեմ Ումերովին՝ Մայամիում տեղի ունեցած հանդիպման ժամանակ։
Բացի այդ, պլանը նախատեսում է ուկրաինական զինուժի թվաքանակի կրճատում 2 անգամ, Դոնբասից ուկրաինական իշխանությունների ամբողջական եւ լիակատար հրաժարվում, Ուկրաինային ամերիկյան ռազմական օգնության կրճատում։ Կիեւից, ըստ պարբերականի, հայտարարել են, որ առաջարկված պլանն առավելագույնս համապատասխանում է ռուսական պահանջներին եւ նույնիսկ չարժի, որպեսզի քննարկվի, եթե դրանցում էական փոփոխություններ չարվեն։
Բաց մի թողեք
Հունգարիայի «Տիզա» կուսակցությունը խզում է կապերը ԵԺԿ-ի հետ՝ Բրյուսելի պնդումներին հակազդելու նպատակով
Բրիտանական Կոլումբիայում դպրոցում տեղի ունեցած կրակոցների հետևանքով առնվազն 10 մարդ զոհվել է, տասնյակները՝ վիրավորվել
Անկարայում 35 տարեկան տղամարդը սպանել է իր ընտանիքի երեք անդամներին, ներառյալ մանկահասակ դստերն ու ինքնասպան եղել