Իրանի նախագահ Մասուդ Փեզեշկիանը կոչ է արել ուժային համակարգի աշխատակիցներին պահպանել առավելագույն զսպվածություն՝ բողոքի ակցիաների մասնակիցների հանդեպ։
Հիշեցնենք, որ արդեն 10 օր է, ինչ Իսլամական Հանրապետությունում բողոքի ակցիաներ են ընթանում։ Այս մասին հայտնում է Al-Araby-ն։ «Անհրաժեշտ է խուսափել ցանկացած հարկադրանքից եւ բռնի գործողությունից,- ասված է նախագահ Փեզեշկիանի հայտարարությունում։
Անհրաժեշտ է ցուցաբերել առավելագույն զսպվածություն եւ մնալ երկխոսության տիրույթում, պահպանել խաղաղ հաղորդակցություն եւ ականջալուր լինել իրանցի ժողովրդի պահանջներին»։
Հիշեցնենք, որ հունվարի 8-ին խոշոր ցույցեր են եղել Մեշխեդում, Թավրիզում եւ մայրաքաղաք Թեհրանում։
***
Իրանում արդեն 12 ժամ է, ինչ ինտերնետ ակտիվությունը գտնվում է գրեթե զրոյական մակարդակում։
Այս մասին հայտնում է NetBlocks ծառայությունը, որը մասնագիտացված է ինտերնետային ակտիվության մոնիթորինգի մեջ։ Ամենայն հավանականությամբ՝ Իսլամական Հանրապետությունում ինտերնետի մասսայական սահմանափակում է կիրառվել, երկրում ընթացող բողոքի ցույցերի ֆոնին թեեւ իշխանությունները այդ մասին որեւէ հայտարարություն չեն արել։
Բաց մի թողեք
Բրիտանական Կոլումբիայում դպրոցում տեղի ունեցած կրակոցների հետևանքով առնվազն 10 մարդ զոհվել է, տասնյակները՝ վիրավորվել
Անկարայում 35 տարեկան տղամարդը սպանել է իր ընտանիքի երեք անդամներին, ներառյալ մանկահասակ դստերն ու ինքնասպան եղել
Վենսի միջազգային այցերի վիճակագրությունը