Ազգային ժողովում քննարկվող նոր օրենսդրական նախաձեռնությամբ առաջարկվում է պարտադիր դարձնել ՀԴՄ կտրոնի տրամադրումը բժշկական բոլոր ծառայություններից օգտվելիս։
Նախագծի համաձայն՝ բուժօգնության ոլորտում իրականացվող բոլոր վճարումների մասին տվյալները կհավաքագրվեն ԱՐՄԵԴ էլեկտրոնային համակարգում, ինչի արդյունքում կձևավորվի միասնական տեղեկատվական բազա։
Նախագիծը նախատեսում է փոփոխություն Հարկային օրենսգրքի 380.1 հոդվածում, որով բժշկական օգնություն և սպասարկում մատուցող կազմակերպություններն ու անհատ ձեռնարկատերերը պարտավոր կլինեն կիրառել էլեկտրոնային հսկիչ դրամարկղային մեքենա։
Պարտադիր կդառնա ՀԴՄ-ի կիրառումը նաև այն դեպքերում, երբ վճարումը կատարվում է անկանխիկ եղանակով՝ վճարային քարտերով կամ այլ վճարային գործիքներով։
Օրենսդրական նախաձեռնությամբ առաջարկվում է նաև, որ բժշկական ծառայություն մատուցելիս հարկային հաշվի և ՀԴՄ կտրոնի վրա նշվի տվյալ ծառայության անհատականացված նույնականացման ծածկագիրը, որը գեներացվում է էլեկտրոնային առողջապահության համակարգի կողմից։
Այդ ծածկագիրը թույլ կտա պարզել՝ քաղաքացին ինչ ծառայությունից է օգտվել և որքան գումար է վճարել դրա համար։
Բաց մի թողեք
Պրոֆեսոր Ալեքսանդր Մալայան․ բժիշկ, ով մարդկանց վերադարձնում էր ոչ միայն տեսողությունը, այլև կյանքի լույսը
«Արժանապատիվ մահ»․ էֆթանազիան օրինականացրել են
Ալեքսանդր Մալայանի անվան Տեսողության վերականգնման կենտրոնի հիմնադիր – տնօրեն Զառա Մալայանը՝ ընտանեկան ժառանգության, նոր բժշկական կենտրոնի գաղափարի և հիվանդակենտրոն մոտեցման մասին