Միացյալ Թագավորության վարչապետ Քեյր Սթարմերը հայտարարել է Ռուսաստանի դեմ նոր էներգետիկ պատժամիջոցների, նաև Ուկրաինայի ատոմակայաններին երկու տարով վառելիք մատակարարելու համաձայնագրի մասին:
Նա այս մասին հայտարարել է G7 գագաթնաժողովի գործընկերների հետ հանդիպման ժամանակ:
Մեծ Բրիտանիայի միջոցառումների փաթեթը կուղղվի Ռուսաստանի «ստվերային նավատորմին»: Բացի այդ, սահմանափակումները կուղղվեն պատժամիջոցները շրջանցելու համար օգտագործվող ֆինանսական ցանցերին: Միջոցառումները կներառեն նաև պատժամիջոցների ներքո ռուսական հեղուկացված բնական գազ տեղափոխող մի քանի նավերի վրա էմբարգո:
Սթարմերը նաև ողջունել է այն գործարքը, որի շրջանակներում բրիտանական Urenco ընկերությունը հարստացված ուրան կմատակարարի Ուկրաինայի «Էներգոատոմ» պետական ընկերությանը: Համաձայնագիրը կֆինանսավորվի պետական «UK Export Finance» արտահանման վարկային գործակալության կողմից, որը 210 միլիոն ֆունտ ստեռլինգ է հատկացնում։
Բաց մի թողեք
Գուցե Մակրոնը ապագայում «ստանձնի Եվրահանձնաժողովի նախագահի պաշտոնը»
Բրյուսելի դիվանագետները սգում են ԱՄՆ-ի կողմից կազմակերպված «նմանախոհ» ընթրիքների ավարտը
Ուկրաինան և Եվրոպայի նոր ռազմավարական իրականությունը