9-րդ գումարման Ազգային ժողովը շարունակում է իր աշխատանքը՝ մեկնարկելով երկրորդ օրվա նիստը:
Ազգային ժողովի «Քաղաքացիական պայմանագիր» խմբակցությունը, առաջնորդվելով «ԱԺ կանոնակարգ» սահմանադրական օրենքի 136-րդ հոդվածի պահանջներով, Ազգային ժողովի նախագահի պաշտոնում առաջադրել է Ռուբեն Ռուբինյանի թեկնածությունը։
«Հայաստան» խմբակցության պատգամավոր Ագնեսա Խամոյանը քիչ առաջ անդրադառնալով Ռուբինյանի թեկնածությանը, մասնավորապես՝ նրա այն հիշատակմանը, որ 18 տարեկանը լրացրել է առանց հոր ներկայության, քանի որ վերջինս մարտի 1-ի իրադարձությունների գործով որոշ ժամանակ գտնվել է կալանքի տակ, Խամոյանը նշել է, որ այդ օրինակն օգտագործել պետք չէ։
Նրա խոսքով՝ Ռուբինյանը, որպես ԱԺ նախագահի պաշտոնի հավակնորդ և իշխանության ներկայացուցիչ, պետք է հաշվի առնի, որ բազմաթիվ երիտասարդներ ևս ծանր ճակատագրերի են բախվել երկրի պատմության ընթացքում։
«Մի բերեք էլ այս օրինակը, որովհետև դուք հավակնում եք ԱԺ նախագահի բարձր պաշտոնին և մի իշխանության ներկայացուցիչ եք, որի օրոք և պատճառով բազմաթվ տղաներ այդպես էլ մնացին 18 տարեկան»,- ասել է նա:
«Հայաստան» խմբակցությունը չի մասնակցի Ազգային ժողովի նախագահի ընտրության փակ քվեարկությանը։
Բաց մի թողեք
9-րդ գումարման Ազգային ժողովը լեգիտիմության լրջագույն խնդիր ունի. Հանրային Դաշինք
Ներկայացրեք հրաժարական եւ ներողություն խնդրեք հայ ժողովրդից
Քաղաքական քամիներով որոշումներ կայացնող մարդիկ պարտավոր են գիտակցել՝ այդ քամիներն անցողիկ են