Ֆրանսիան զինվորականներ, ռադիոլոկացիոն և պաշտպանական համակարգեր կուղարկի Սաուդյան Արաբիա՝ Յանբու նավահանգստում գտնվող նավթավերամշակման գործարանը և խողովակաշարը պաշտպանելու համար, հայտարարել է նախագահ Էմանուել Մակրոնը։
Նա նշել է, որ որոշումը համաձայնեցված է եղել Սաուդյան Արաբիայի իշխանությունների հետ, և որ Փարիզը «չի խառնվում որևէ հակամարտության»։
«Մենք ռազմական ռեսուրսներ կուղարկենք, այսինքն՝ զինվորականներ, ռադիոլոկացիոն և պաշտպանական համակարգեր՝ այս օբյեկտը պաշտպանելու համար», – ասել է Ֆրանսիայի առաջնորդը։
Հավելենք, որ Յանբու նավահանգիստը կենսական դեր է խաղում Սաուդյան Արաբիայի նավթի և նավթամթերքի՝ Եվրոպա մատակարարման գործում՝ շրջանցելով Հորմուզի նեղուցը։
Նավթախողովաշարի գործունեությունը դադարեցվել է սեպտեմբերի 11-ի հարձակումներից հետո և վերսկսվել է սեպտեմբերի 22-ին։
Բաց մի թողեք
Արհմիությունները Բրյուսելում բողոքի ակցիա են անցկացնում «EU Inc»-ի դեմ
Աթենքի կենտրոնում պայթյունից հետո շենք է փլուզվել, փրկվել է երկու կին. Լուսանկար
Ղազախստանում զորավարժությունների ժամանակ զոհվածների թիվը հասել է 14-ի