Նոր սարսափելի պատերազմին Պակիստանն էլ միացավ, իսկ Թուրքիա՞ն

Պակիստանը միացել է Սաուդյան Արաբիայի ռազմական արշավին՝ ընդդեմ Եմենում հութիների, հաղորդում է The New York Times-ը՝ հղում անելով աղբյուրին։

Պակիստանի բարձրաստիճան զինվորական պաշտոնյան հայտարարել է, որ երկրի զինված ուժերի կործանիչները հարվածներ կհասցնեն հութիների դիրքերին։

Այսպիսով, Իսլամաբադը, որը նախկինում հայտարարել էր Սաուդյան Արաբիային աջակցելու մասին, կարող է ուղիղ մասնակցել եմենցի հութիների դեմ ռազմական գործողություններին։ Գործողությանը Պակիստանի ռազմաօդային ուժերի մասնակցության մասշտաբի մանրամասները դեռևս չեն տրամադրվել։

Ավելի վաղ ԱՄՆ նախագահ Դոնալդ Թրամփը ողջունել էր Թուրքիայի և Պակիստանի կողմից Սաուդյան Արաբիային ռազմական աջակցության հնարավորությունը։

«Կարծում եմ՝ նրանք ցանկանում են օգնել Սաուդյան Արաբիային։ Եվ կարծում եմ՝ դա հրաշալի է», – ասել է Թրամփը՝ պատասխանելով Մեքքայի համաձայնագրի պայմաններով Սաուդյան Արաբիայում թուրքական և պակիստանյան ուժերի հնարավոր տեղակայման մասին հարցին։

Երկուշաբթի օրը Անկարան և Իսլամաբադը որոշել են ապահովել համաձայնեցված ռազմական ուժերի և միջոցների արագ տեղակայումը Սաուդյան թագավորությունում։

Հիշեցնենք՝ Մեքքայի համաձայնագիրը ստորագրվել է օգոստոսի 7-ին Թուրքիայի նախագահ Ռեջեփ Թայիփ Էրդողանի, Սաուդյան Արաբիայի թագաժառանգ Մուհամմեդ բին Սալման Ալ Սաուդի և Պակիստանի վարչապետ Շահբազ Շարիֆի կողմից։ Այն սահմանում է, որ երկրներից որևէ մեկի վրա հարձակումը կհամարվի ագրեսիայի ակտ համաձայնագրի բոլոր կողմերի դեմ։

Մինչ այս էլ, թուրքական ԶԼՄ-ները գրել էին, որ Անկարան կարող է ռազմաբազա տեղակայել Սաուդյան Արաբիայում՝ Մեքքայի պաշտպանության համաձայնագրի շրջանակներում թագավորությունում իր ռազմական ներկայությունը ընդլայնելու ծրագրերի շրջանակներում։