Ստամբուլում յոթհարկանի բնակելի շենքի երեք ստորին հարկ է փլուզվել: Փրկարարները իրականացնում են շենքի բնակիչների տարհանում, հաղորդում է ՏԱՍՍ-ը՝ հղում անելով TRT հեռուստաալիքին։
Փրկվածների թվում կա 14 տարեկան դեռահաս։ Բոլոր տուժածները տեղափոխվել են հիվանդանոց, նրանց վիճակը բավարար է։ Ընդհանուր առմամբ տանը, ըստ մունիցիպալ ծառայությունների տվյալների, գրանցված է 33 բնակիչ։ Թե քանի մարդ է գտնվել շենքում փլուզման պահին, այս պահին անհայտ է, հայտնել է Ստամբուլի նահանգապետ Դավութ Գյուլը։
Գյուլը նշել է, որ փլուզման պահին բնակարաններում գտնվող մարդկանց փաստացի թիվը կարող է տարբերվել գրանցման տվյալներից։
«Այս պահին մենք պարզել ենք, որ այդ 14 հոգուց երկուսն այստեղ չեն, այլ իրենց հարազատ քաղաքներում։ Հինգ մարդ փրկվել է։ Չորսի հետ հաջողվել է կապ հաստատել։ Փլատակների տակ մնացած ևս երեք մարդու որոնողափրկարարական աշխատանքները շարունակվում են»,- հայտնել է նա։
Նահանգապետն ավելացրել է, որ շենքի փլուզման պատճառները կհետաքննվեն ինչպես դատական, այնպես էլ վարչական կարգով։
Բաց մի թողեք
Անօդաչու թռչող սարքերի մահացու հարձակումները հարցականի տակ են դնում Եվրոպայի՝ Սև ծովում պաշտպանական կարողությունները. Լուսանկարներ
ԱԹՍ-ների հարձակումներից հետո հրդեհներ են բռնկվել «Յանդեքս» և «Գազպրոմ» ընկերությունների օբյեկտներում
Չարլզ III թագավորի բժշկին մահացած են գտել․ ամուսի՞նն է սպանել․ Լուսանկար