Բաքվի զինվորական դատարանում փետրվարի 25-ին շարունակվել է Ադրբեջանում ապօրինի պահվող ԼՂ նախկին պետնախարար Ռուբեն Վարդանյանի շինծու մեղադրանքներով հերթական դատական նիստը։
Ինչպես հայտնում են ադրբեջանական լրատվամիջոցները, Ռուբեն Վարդանյանն ու փաստաբանը դատարանին կրկին ինքնաբացարկի միջնորդություն են ներկայացրել, ինչը մերժվել է՝ առանց քննարկման։
Իրեն ուղղված որևէ հարցի Վարդանյանը չի պատասխանել: Այնուհետ ընդմիջում է խնդրել՝ վատ ինքնազգացողության պատճառով:
Ընդմիջումից հետո դատական նիստը շարունակվել է: Թարգմանչի մասնակցությամբ ցուցադրվել և ուսումնասիրվել է Ռուբեն Վարդանյանի՝ քրեական գործի նյութերում կցված հարցազրույցը։
Հաջորդ նիստը տեղի կունենա մարտի 4-ին։
Հիշեցնենք՝ ի նշան կեղծ «դատավարության» դեմ բողոքի, Ռուբեն Վարդանյանը փետրվարի 19-ին կրկին հացադուլ է հայտարարել:
Բաց մի թողեք
Հունգարիան արգելափակում է Ուկրաինային տրամադրվող 90 միլիարդ եվրոյի վարկը
Ինչ կապ ունեն Երևանում լայնամասշտաբ ստուգումները Աջափնյակի արյունալի դեպքի հետ
Թուրքական Daily Turkic լրատվամիջոցն իր հրապարակման մեջ Նիկոլ Փաշինյանին թյուրք առաջնորդների ցանկում է ներառել