ՔՊ-ն հավաքում է տեղեկություններ մի խումբ հոգևորականների վերաբերյալ

Նիկոլ Փաշինյանը վերջերս հանձնարարական է իջեցրել ուժային կառույցներին՝ մոտ 50 հոգևորականներից կազմված ցուցակ կազմելու, որպեսզի իրականացվի տեղեկության հավաքագրում վերջիններիս վերաբերյալ։

«Ժողովուրդ» օրաթերթը գրում է. Ըստ նույն՝ իշխանական աղբյուրների հաղորդած տեղեկությունների՝ նպատակն է ապագայում պլանավորել հնարավոր գործողություններ այս անձանց նկատմամբ։

Թեև պաշտոնական հաստատում կամ մեկնաբանություն այս տեղեկության վերաբերյալ առայժմ չկա, «Ժողովուրդ» օրաթերթի թղթակիցը երեկ փորձել է մեկնաբանություն ստանալ ՀՀ ներքին գործերի նախարար Արփինե Սարգսյանից։ Սակայն վերջինս չի արձագանքել հարցին։

Հիշեցնենք, որ պետական կառույցների և հոգևոր աշխարհի միջև հարաբերությունները շարունակում են խիստ լարված մնալ»։