Նա դառնա Կալիֆորնիայի նահանգապետ

ԱՄՆ-ում նոյեմբերի 5-ին տեղի ունեցած նախագահական ընտրություններում պարտություն կրած Քամալա Հարիսը իր քաղաքական կարիերայի  համար նոր հեռանկարներ է որոնում։ Համաձայն Newsweek-ի, կա հնարավորություն, որ նա դառնա Կալիֆորնիայի նահանգապետ։

Ավելի վաղ էլ հայտնի էր դարձել, որ նա կարող է դառնալ ԱՄՆ Գերագույն դատարանի դատավոր։ Կալիֆորնիայի գործող նահանգապետ Գեւին Նյուսոմի լիազորությունների ժամկետը լրանում է 2026 թվականին։ Սա հնարավորություն է տալիս, որ Հարիսը վերադառնա հարազատ նահանգ եւ գլխավորի այդ նահանգի գործադիր իշխանությունը։ Բացի այդ, եթե նա դառնա նահանգապետ, կկարողանա 2028 թվականին նորից առաջադրվել նախագահական ընտրություններում։