ԱՄՆ-ում սկսվել է անօրինական ներգաղթյալների լայնածավալ արտաքսումը:
Առաջին մի քանի հարյուր մարդիկ արդեն տուն են ուղարկվել ռազմական ինքնաթիռներով։
Այս մասին տեղեկությունը հստատել է նրա մամուլի քարտուղար Քերոլայն Լևիտը՝ հայտնելով որ «հարյուրավոր միգրանտներ» ձերբակալվել և արտաքսվել են: Այսպիսով, ԱՄՆ նախագահ Դոնալդ Թրամփը երդմնակալությունից ընդամենը չորս օր անց կատարել է իր հիմնական նախընտրական խոստումներից մեկը։
«Թրամփի վարչակազմն արդեն ձերբակալել է 538 անօրինական ներգաղթյալի։ Սկսվել է պատմության մեջ ամենամեծ արտաքսումը»,- Լևիտի խոսքերը մեջբերում է Bild-ը։
Թրամփը Մեքսիկայի հետ սահմանին արտակարգ դրություն է մտցրել և հայտարարել «միլիոնավոր անօրինական ներգաղթյալների» զանգվածային արտաքսման ծրագրերի մասին։ Նա նաև հայտարարել է լրացուցիչ զորքեր ուղարկելու մասին՝ հարավային սահմանին վերահսկողությունն ուժեղացնելու համար։
Միջոցառումները մտնում են Թրամփի ռազմավարության մեջ՝ նվազեցնելու անօրինական ներգաղթյալների թիվը, որոնցից մոտ 11 միլիոնը ԱՄՆ-ում է ապաստանել:
Տեսանյութը՝ այստեղ
Բաց մի թողեք
Հռոմի պապ Լևոն XIV-ը խնդրում է, որ Հռոմը հյուրընկալ լինի օտարերկրացիների համար
Շվեյցարիայի լեռնադահուկային հանգստավայրում Նոր տարվա երեկույթի ժամանակ տեղի ունեցած հրդեհի հետևանքով տասնյակ մարդիկ են զոհվել
Իմ ստորագորությունը կլինի միայն ուժեղ համաձայնագրի տակ, որքան էլ Թրամփն անպատվի ինձ