ԱՄՆ-ն սպասում է, որ Կուրսկի մարզում գտնվող հյուսիսկորեական զորքերը շուտով մարտի մեջ կմտնեն Ուկրաինայի զինված ուժերի հետ։ Այս մասին հայտարարել է ԱՄՆ պետքարտուղար Էնթոնի Բլինքենը՝ կոչ անելով Չինաստանին օգտագործել իր ազդեցությունը Փհենյանին զսպելու համար, հաղորդում է «Ամերիկայի ձայնը»։
ԱՄՆ պետքարտուղարը հայտնել է, որ Ռուսաստանը ուսուցանում է հյուսիսկորեացի զինվորներին աշխատել հրետանու, անօդաչու թռչող սարքերի հետ, ինչպես նաև ցամաքային գործողություններում հիմնական մարտավարական հնարքները, ինչը ցույց է տալիս նրանց «լիարժեք մտադրությունը»՝ օգտագործել այդ ուժերը ռազմաճակատում:
Ամերիկացի բարձրաստիճան դիվանագետը նշել է, որ Ռուսաստանում կա 10 հազար հյուսիսկորեացի զինծառայող, որից մինչև 8 հազարն արդեն Կուրսկի մարզում է, որտեղ ուկրաինական զորքերը պահում են դիրքերը, որ գրավել էին օգոստոսին:
ԱՄՆ-ի և Հարավային Կորեայի պաշտպանության ու արտաքին գործերի նախարարները հանդիպման ընթացքում քննարկել են արձագանքի մի շարք տարբերակներ, հավելել է Բլինքենը՝ նշելով, որ Մոսկվայի կողմից Հյուսիսային Կորեայի զինվորների օգտագործումը Ուկրաինայի դեմ պատերազմի «մսաղացում» Կրեմլի թուլության «հստակ նշան է»:
Բաց մի թողեք
Հռոմի պապ Լևոն XIV-ը խնդրում է, որ Հռոմը հյուրընկալ լինի օտարերկրացիների համար
Շվեյցարիայի լեռնադահուկային հանգստավայրում Նոր տարվա երեկույթի ժամանակ տեղի ունեցած հրդեհի հետևանքով տասնյակ մարդիկ են զոհվել
Իմ ստորագորությունը կլինի միայն ուժեղ համաձայնագրի տակ, որքան էլ Թրամփն անպատվի ինձ