19/04/2024

Իմ մահվան դեպքում երբեք դեմ չեմ լինի, որ օրգաններս հանձնեն որևէ մեկին. Արսեն Թորոսյան

«Հայաստանում ունենք հեմոդիալիզ ստացող մոտ 1000 պացիենտ, և, ըստ տարբեր գնահատականների, նրանցից մոտ 700-ին անհրաժեշտ է երիկամի փոխպատվաստում»:

Այս մասին այսօր ԱԺ նիստում հայտարարեց ՔՊ խմբակցության պատգամավոր Արսեն Թորոսյանը:

Նրա խոսքով՝ պետք է ջանքեր գործադրել առաջին դեպքն ունենալու և առաջ գնալու:

Թորոսյանը կարևորեց նաև հանրային գիտակցությունը. «Այո, մահը վատ բան է, հատկապես դժբախտ պատահարները, բայց այդ մահը կարող է լինել նոր կյանքի սկիզբ: Ես, օրինակ, երբեք չեմ հրաժարվի իմ օրգանները որևէ մեկին հանձնելուց իմ մահվան դեպքում, եթե նրանք առողջ լինեն: Եվ մենք նաև այդ ուղղությամբ աշխատենք»: