Մեդիափորձագետ, տեղեկատվության անվտանգության մասնագետ Սամվել Մարտիրոսյանը «Ֆեյսբուք»-ի իր էջում հայտնել է, որ «Ինստագրամ» սոցցանցում խաբեության նոր մեթոդ է տարածվում․ մարդկանց մոլորեցնում են գովազդի անվան տակ, կորզում բանկային քարտի տվյալները և գողանում քարտին առկա գումարը:
Նա նշել է, որ չարագործները մասնավորապես «Ինստագրամ»-ում կապվում են մարդկանց հետ, այդ թվում՝ բիզնես էջերի, առաջարկում վճարովի հիմունքներով «Սթորի»-ում գովազդ դնել, ապա՝ տալիս հղում, որն առաջարկում է լրացնել բանկային քարտի տվյալները, ինչից հետո գողանում են քարտի պարունակությունը։
«Ուրեմն «Ինստագրամ»-ում գալիս, առաջարկում են սթորիներում գովազդ տեղադրել։ Հետո հղում են տալիս, որը պահանջում է քարտի տվյալները լրացնել։ Դե մնացածը ինքներդ կռահեք»,- գրել է նա։
Բաց մի թողեք
Կինն իր ընտանիքն է պաշտպանում, երեխեքին, տունը, իսկ դո՞ւ՝ ադրբեջանցուն
Ալիևը սպառնացել է, թե ադրբեջանցիները երբեք դա չեն մոռանա. ի՞նչ է սպասում Փաշինյանին
Արման Եղոյանը կգլխավորի եկեղեցու դեմ արշավի ԱԺ քննիչ հանձնաժողովը․ ՔՊ-ն որոշում է կայացրել